Gəncədə ötən gün bıçaqlanma faktı qeydə alınıb. Gəncə Lokomotiv
Deposunun rəis müavini 33 yaşlı Sabit Qasımov bıçaqlanıb.
O, Gəncə Dəmiryolu Xəstəxanasına aparılıb. Həkimlər onun
vəziyyətinin normal olduğunu bildirirlər.
Sabit Qasımovun sözlərinə görə, Gəncə Lokomativ Deposunda çilingər
işləyən, qonşusu 34 yaşlı Rəşad Allahverdiyev tərəfindən münaqişə
zəmnində bıçaqlanıb: “İdarəmizin həyətinə daxil
olmuşdum. 20 metr idi getmişdim, məni gördü başında papaq qaçdı
üstümə. Mənim də əlimdə heç nə yox idi. O, bir ay yarım əvvəl işə
gəlməmişdi. Birinci dəfə deyildi, dəfələrlə işə gəlmirdi. Buna akt
tərtib elədik ki, niyə işə gəlmirsən? Bu da qapı bir qonşumdu,
yaxın münasibətdə olduğum adamdı. Söhbət ondan gedir ki, nəyə görə
mənim aktıma qol çəkirsən”.
Qasımov iş yoldaşlarının köməyi ilə xəstəxanaya gətirilib.
(ARB)