Müğənni-bəstəkar Zülfü Bədəlov “Yaz-poz” adlı yeni mahnısını təqdim edib.
Axşam.az-ın məlumatına görə, bəstənin söz və musiqisi ifaçının özünə aiddir. Mahnının aranjimanı Elvin Musayevə həvalə olunub.
Z.Bədəlov bəstəyə klip çəkdirdiyini və hazırda montaj işlərinin getdiyini deyib:
“Klip Gürcüstanda lentə alınıb. Yeniliklərim bununla bitmir. Digər müğənnilər üçün də mahnılar yazmışam. Onlardan birini Günay İbrahimli səsləndirəcək. Türkiyəli musiqiçilərlə də işbirliyinə başlamışam. 8 mahnımı orada fəaliyyət göstərən bir prodakşın alıb".
