Bu gün AFFA İntizam Komitəsinin növbəti iclası keçirilib.
Trend-in məlumatına görə, iclasda Premyer Liqasının 12-ci turunun iki oyunu ilə bağlı qərarlar qəbul olunub.
Noyabrın 19-da Premyer Liqanın XII turunun “Qarabağ” - “Kəpəz” matçında “Qarabağ” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.
Noyabrın 20-də “İnter” - AZAL matçının 68-ci dəqiqəsində AZAL klubunun 15 №-li futbolçusu Brian Fok ikinci sarı vərəqə alaraq, meydandan kənarlaşdırıldığı üçün 1 oyun cəzalanıb, klub 200 manat cərimə olunub.
