Aktual mövzular: Dollar alış-satışı , Hava haqqında, Məzənnə, Neftin qiyməti

Əcnəbi dillərdə reklamlarla bağlı ŞƏRTLƏR

Əcnəbi dillərdə reklamlarla bağlı ŞƏRTLƏR

Date: 22 November 2016 15:32

Azərbaycanda reklam qurğularında və materiallarında dövlət dilindən başqa digər dillərdən də istifadəyə icazə verilir, bununla bağlı şərtlər müəyyənləşdirilir. 

Milli.Az xəbər verir ki, Milli Məclisdən APA-ya verilən məlumata görə, bununla bağlı "Azərbaycan Respublikasının dövlət dili haqqında" qanuna 7.1-1-ci maddənin əlavə edilməsi təklif olunur.

Layihəyə görə, reklamvericinin tələbinə əsasən, reklam qurğularında yerləşdirilən reklamın mətnində Azərbaycan Respublikasının dövlət dili ilə yanaşı digər dillərdən istifadə oluna bilər. Bu halda xarici dildə olan mətn dövlət dilində olan mətndən sonra yerləşdirilməli, dövlət dilində olan mətnin tutduğu sahədən kiçik olmalı və reklamın yerləşdiyi ümumi sahənin üçdə birindən çox olmamalıdır. Mətndə digər dillərdə ifadə olunan əmtəə nişanı və coğrafi göstərici müvafiq icra hakimiyyəti orqanı tərəfindən qeydə alındığı formada göstərilir.
 
Layihə Milli Məclisin plenar iclasına tövsiyə olunub və noyabrın 29-da müzakirəyə çıxarılacaq.

Milli.Az


Tags:  Əcnəbi dillərdə reklamlarla bağlı ŞƏRTLƏR

RƏYLƏR


Top news