Aktual mövzular: Dollar alış-satışı , Hava haqqında, Məzənnə, Neftin qiyməti

Alimlər illüminatoru sensor displeyə çeviriblər

Alimlər illüminatoru sensor displeyə çeviriblər

Date: 22 November 2016 15:35

Fransanın "Vision Systems" şirkəti tərəfindən təqdim edilmiş illüminatorlar planşet kompüterlərin funksiyasını yerinə yetirir.

"ICTnews" Elektron Xəbər Xidməti "naked-science.ru" saytına istinadən yazır ki, müasir təyyarələrdə illüminatorlar, bir qayda olaraq, 2-3 qatlı üzvi şüşədən ibarətdir. Bəzi sərnişin təyyarələrində illüminatorun pəncərəsi elektrokimyəvi şüşədən olur. Bu material öz optik xüsusiyyətlərini dəyişdirmək qabiliyyətinə (məsələn, elektrik enerjisinin təsiri ilə tündləşmək) malikdir.

"Acti-Vision Window" adlı yeni illüminator, həmçinin maye kristal ekran funksiyasını yerinə yetirir. İllüminator sensor panellə təchiz edilib və  istifadəçi sonuncunun köməyi ilə vizual elementləri idarə edə bilər.
 

"Acti-Vision Window"da ekran və illüminator rejimləri arasında keçid aşağı hissədəki xüsusi zonaya toxunuş nəticəsində baş verir. Bu halda elektrokimyəvi şüşə tündləşir və işıqlandırma aktivləşdirilir. Bu halda displey rolunu yerinə yetirən ikinci şüşənin köməyi ilə sərnişin, məsələn, internet saytlara və ya şəkillərə baxa bilər.

Emil Hüseynov



Tags:  Alimlər illüminatoru sensor displeyə çeviriblər



RƏYLƏR


Top news