Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Bakıda ərini öldürən qadın 19, onun tanışı 20 il müddətinə azadlıqdan məhrum edilib

Bakıda ərini öldürən qadın 19, onun tanışı 20 il müddətinə azadlıqdan məhrum edilib

Date: 22 November 2016 16:32

Bakı. 22 noyabr. REPORT.AZ/ Bu gün Bakı Ağır Cinayətlər Məhkəməsində həyat yoldaşını öldürməkdə təqsirləndirilən Lalə Mahmudova və tanışı Sədi Məmmədovun cinayət işi üzrə məhkəmə prosesi başa çatıb.
"Report"un xəbərinə görə, hakim Əfqan Hacıyev sədrliyi ilə keçirilən prosesdə təqsirləndirilən şəxslərə hökm oxunub.
Məhkəmənin hökmü ilə L.Mahmudova 19 il və S.Məmmədov isə 20 il müddətinə azadlıqdan məhrum edilib.
Xatırladaq ki, prokuror çıxışında L.Mahmudovanın 19 il, tanışı S.Məmmədovun isə 20 il müddətinə azadlıqdan məhrum edilməsini istəyib.
Qeyd edək ki, Kamran Mahmudov ötən il sentyabrın 26-da qətlə yetirilib. Keçirilən əməliyyat-axtarış tədbirləri nəticəsində cinayətin S. Məmmədov və L. Mahmudovanın birgə törətdiyi müəyyənləşib, hər iki şəxs ötən il oktyabrın 3-də tutularaq istintaqa cəlb olunub. Məlum olub ki, S. Məmmədov K. Mahmudovu odlu silahla qətlə yetirib, meyitini L. Mahmudova ilə birlikdə bıçaqla hissələrə bölərək, özünə məxsus "BMW" markalı avtomobillə İsmayıllı rayonuna aparıb, orada qardaşı Əli Məmmədovun evinin həyətində basdırıb. Faktla bağlı Cinayət Məcəlləsinin 120.2.1-ci (qabaqcadan əlbir olan bir qrup şəxs tərəfindən qəsdən adam öldürmə) maddəsi ilə cinayət işi başlanıb. L. Mahmudova Bakıdakı xəstəxanalardan birində tibb bacısı işləyib, K.Mahmudovun isə bizneslə məşğul olub


Tags:  Bakıda ərini öldürən qadın 19 onun tanışı 20 il müddətinə azadlıqdan məhrum edilib

RƏYLƏR


Top news