Aktual mövzular: Dollar alış-satışı , Hava haqqında, Məzənnə, Neftin qiyməti

Müəllimlər məkəbin dağıldığını söyləyirlər, direktor isə əksini idda edir - FOTO

Müəllimlər məkəbin dağıldığını söyləyirlər, direktor isə əksini idda edir - FOTO

Date: 22 November 2016 17:32

Lənkəran şəhəri Həzi Aslanov adına 3 saylı tam orta məktəb təmirsiz vəziyyətdədir. 

Milli.Az musavat.com-a istinadən xəbər verir ki, məktəb Nizami küçəsində yerləşir. Təmirsiz olan məktəbin müəllimləri də vəziyyətdən şikayətçidirlər. Onlar işlərini itirmək təhlükəsindən qorxduqları üçün adlarının çəkilməsini istəməyiblər. 

Şikayət edən sakinlər isə bildirirlər ki, məktəbdə istilik sistemi yoxdur. Şagirdlər özləri odun alıb, sobanı yandırmaqla sinif otaqlarını qızdırırlar: "Dövlət tərəfindən məktəb üçün ayrılan pullar mənimsənilir".  

Məlumata görə, məktəb 1973-cü ildə istifadəyə verilib və heç vaxt təmir olunmayıb. Sakinlər məktəbə gedən yolun da bərbad vəziyyətdə olduğunu bildiriblər: "Yollar bərbad vəziyyətdədir. Uşaqlarımız hər gün bu palçıqlı kələ-kötür yollardan keçərək, dərsə gedirlər". 

Kompüter otağı isə sinif otaqlarından heç nə ilə fərqlənmir. Təmirsiz bir otaqda istifadəyə yararsız, köhnə kompüterlər qoyulub. Otağın elektrik xətti belə, yoxdur. 

O da bildirilir ki, idman zalının taxta döşəməsi çöküb, idman dərslərinin keçirilməsi mümkünsüz hala gəlib. 

Məsələ ilə əlaqədar Lənkəran Şəhər Təhsil Şöbəsinin müdiri Şəhanə Əhmədova ilə əlaqə saxladıq. 

Təhsil Şöbəsinin müdiri bildirdi ki, məktəbin əsaslı təmirə ehtiyacı var, lakin qəzalı vəziyyətdə deyil: "İdman zalı çox yaxşı vəziyyətdədir. Lap yaxşı da deyə bilmərəm, amma ən yaxşı idman zallarından biridir". 

Ş.Əhmədova istlik sistemi ilə bağlı iddiaları da rədd etdi: "O məktəbin qazanxanası var. Məktəbə qaz verilir, şagirdlər ora necə odun gətirə bilərlər?" 

Təhsil Şöbəsinin müdiri onu da bildirdi ki, bu il Təhsil Nazirliyi tərəfindən 830 ədəd "Lenovo" markalı kompüter göndərilib: "Bu il Təhsil Nazirliyi 830 ədəd "Lenovo" markalı kompüter göndərib və həmin kompüterlərin 20 ədədi H.Aslanov adına 3 saylı məktəbə bağışlanıb. Ümumiyyətlə, bizim məktəblərdə köhnə kompüter yoxdur. Hər il kompüterlərimiz təzələnir. O məktəb şəhərin mərkəzində olan məktəbdir. Xüsusilə mərkəzdə olan məktəb heç vaxt pis vəziyyətdə ola bilməz".

Milli.Az












Tags:  Müəllimlər məkəbin dağıldığını söyləyirlər direktor isə əksini idda edir FOTO

RƏYLƏR


Top news