Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

DGK-nın rəhbərliyi ilə Estoniya Vergi və Gömrük İdarəsinin baş direktoru ilə görüşüb

DGK-nın rəhbərliyi ilə Estoniya Vergi və Gömrük İdarəsinin baş direktoru ilə görüşüb

Date: 22 November 2016 18:14

Dövlət Gömrük Komitəsinin rəhbərliyi ilə Estoniya Vergi və Gömrük İdarəsinin baş direktoru Marek Helm arasında görüş keçirilib.

 

Lent.az-ın Komitənin saytına istinadən məlumatına görə, qonağı səmimiyyətlə salamlayan Dövlət Gömrük Komitəsi sədrinin birinci müavini, gömrük xidməti general-leytenantı Səfər Mehdiyev Azərbaycanla Estoniya arasında mövcud iqtisadi, siyasi, mədəni əlaqələrdən söhbət açıb, əməkdaşlıq əlaqələrinin bundan sonra daha da genişlənəcəyinə əminliyini ifadə edib.

 

Müstəqil Azərbaycanın gömrük xidmətinin keçdiyi inkişaf yoluna qısaca nəzər salan Komitə sədrinin birinci müavini istər büdcə gəlirlərinin formalaşmasında, istərsə də iqtisadi təhlükəsizliyin təmin edilməsində gömrük orqanlarının rolundan danışıb, son vaxtlar gömrük sahəsində həyata keçirilən islahatlar, o cümlədən, elektron gömrük bəyannaməsinin tətbiqi və “Yaşıl dəhliz” buraxılış sisteminin yaradılması barədə ətraflı məlumat verib.

 

Səfər Mehdiyev Azərbaycan Gömrük Xidmətinin innovasiya layihələrinin tətbiqi, gömrük prosedurlarının sadələşdirilməsində yeni metod və texnologiyalardan istifadə edilməsi, xüsusən elektron gömrük xidmətləri üzrə həyata keçirilən layihələri ilə nəinki region, həm də Avropa miqyasında qabaqcıl təcrübəyə malik olduğunu vurğulayıb.

 

Səmimi qəbula görə Dövlət Gömrük Komitəsinin rəhbərliyinə təşəkkür edən Estoniya Vergi və Gömrük İdarəsinin baş direktoru Marek Helm Azərbaycana səfərindən razılığını bildirib, Estoniya hökumətinin Azərbaycanla əməkdaşlığa böyük əhəmiyyət verdiyini söyləyib.

 

İki ölkə arasındakı münasibətlərin hazırkı durumundan məmnunluqla bəhs edən qonaq bütün sahələrdə, o cümlədən, gömrük işində əməkdaşlığın genişləndirilməsinin vacibliyini nəzərə çatdırıb, qısa zaman kəsiyində Azərbaycan gömrüyünün inkişafını, xüsusilə informasiya-kommunikasiya texnologiyalarının tətbiqində qazandığı uğurları yüksək dəyərləndirib.


Tags:  DGK-nın rəhbərliyi Estoniya Vergi Gömrük İdarəsinin baş direktoru görüşüb


RƏYLƏR


Top news