Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Bilik Fondu Bakı və Salyan məktəblilərini qardaşlaşdırıb

Bilik Fondu Bakı və Salyan məktəblilərini qardaşlaşdırıb

Date: 22 November 2016 20:12

Bakı. 22 noyabr. REPORT.AZ/ Azərbaycan Respublikasının Prezidenti yanında Bilik Fondunun “Qardaşlaşmış məktəblər” layihəsi çərçivəsində Bakının Suraxanı rayonundakı 275 nömrəli məktəbin şagirdləri Salyan məktəblilərinin qonağı olublar.
Fondun İnformasiya təminatı sektorundan "Report"a verilən məlumata görə, məktəblilər Salyan Rayon İcra Hakimiyyətinin başçısı Sevindik Hətəmovla görüşüblər. Sonra şəhər 7 nömrəli texniki fənlər təmayüllü məktəb-liseydə suraxanılı məktəblilərlə salyanlı yaşıdları arasında saziş imzalanıb. 
Salyan şəhər 7 nömrəli texniki fənlər təmayüllü məktəb-liseyin direktoru Arzu Daşpoladova belə layihələrin məktəblilərin inkişafında müstəsna rolu olduğunu deyib: "Şagirdlərin dostluğu onların dünyagörüşünün genişlənməsinə, ünsiyyət mədəniyyətinin yüksəlməsinə vasitə olur. Bu layihə təkcə məktəblilərin inkişafına deyil, məktəblərin tədris prosesinin daha da təkmilləşməsinə öz töhfəsini verir. Yeni innovativ metodlarların öyrənilməsi, rayon məktəbi ilə Bakı məktəbi arasında təcrübə mübadiləsinin aparılması ümumi işimizin xeyrinədir”.


Tags:  Bilik Fondu Bakı Salyan məktəblilərini qardaşlaşdırıb


RƏYLƏR


Top news