Aktual mövzular: Dollar alış-satışı , Hava haqqında, Məzənnə, Neftin qiyməti

İstanbulda İŞİD-ə qoşulmaq istəyən Azərbaycan vətəndaşı tutuldu

İstanbulda İŞİD-ə qoşulmaq istəyən Azərbaycan vətəndaşı tutuldu

Date: 22 November 2016 20:58

Türkiyə kəşfiyyat və terrorla mübarizə qrupları Suriyada kamikadze təlimi alaraq İstanbulda terror aktı törətmək üçün gələn İŞİD üzvləri ilə əlaqədar kəşfiyyat məlumatları alıb.

Publika.az “Hürriyyət” nəşrinə istinadən xəbər verir ki, kəşfiyyat və terrorla mübarizə qrupları əvvəlcədən müəyyən edilən ünvanlarda əməliyyat keçirib.

Əməliyyat zamanı İstanbulda kamikadze hücumu həyata keçirmək üçün gələn 2 İŞİD üzvü tutulub. Bunlar Tacikistan vətəndaşı “Zübeyr” kod adlı Novruz Qasımov və Özbəkistan vətəndaşı “Bunyod” kod adlı Azizjon Bekrayevdir. Terrorçuların kamikadze olmaq üçün təşkilatın siyahısına adlarını yazdırdıqları müəyyən edilib.

Əməliyyatın gedişatında həmçinin Suriyaya gedəcəyi müəyyənləşdirilən 36 nəfər saxlanılıb. Onların arasında Azərbaycan vətəndaşı da var. Bekrayev və Qasımov barəsində həbs qərarı çıxarılıb. Suriyaya getməyi planlaşdırılan digər 36 xarici vətəndaş isə deportasiya olunması üçün Miqrant İdarəsinə göndərilib.

Ömər Dağlı


Tags:  İstanbulda İŞİD-ə qoşulmaq istəyən Azərbaycan vətəndaşı tutuldu

RƏYLƏR


Top news