Aktual mövzular: Dollar alış-satışı , Hava haqqında, Məzənnə, Neftin qiyməti

Aliment ödəməyənlərə qarşı cəzalar daha da sərtləşdirilir - VİDEO

Aliment ödəməyənlərə qarşı cəzalar daha da sərtləşdirilir - VİDEO

Date: 22 November 2016 21:27

Boşanmalardan sonra ən çox rastlaşılan problem adətən alimentlərlə bağlı olur. Kişilər müxtəlif səbəblərdən alimentin ödənməsindən imtina edirlər. Atanın aliment ödəyə bilməməsi uşağın maddi təminatında problemlər yaradır. Bu halların baş verənməsinə səbəb olan insanlar üçün isə cəza tədbirlər daha da sərtləşdirilib. Artıq belə insanlar ölkəni tərk etməsinə icazə verilməyəcək.

Milli.Az xezerxeber.com-a istinadən bildirir ki, aliment ödəməyənlərə qarşı cəzalar daha da sərtləşdirilir. Hətta aliment ödəməkdən boyun qaçıranların Azərbaycandan çıxması qağan olunur. Bu ilin ilk 6 ayında 1100 nəfər məhz aliment ödəyə bilmədiyi üçün ölkədən çıxa bilməyib.

İlqar Vəliyev də aliment borcu ödəməkdən boyun qaçıran yüzlərlə valideyndən biridir. Boşandıqdan sonra bir müddət aliment ödəsə də artıq ödəyə bilmədiyini deyir.

Alimet ödəməkdən boyun qaçıranların sayı isə hər il artır. Ötən il buna görə 2174 nəfər inzibati məsuliyyətə cəlb olunubsa, bu ilin 6 ayı ərzində onların sayı 1316 olub. Ötən il 1499 nəfər barəsində həbs və ya tənbeh tədbirləri görülübsə bu ilin 6 ayı ərzində həmin şəxslərin sayı 1040 olub. Belə şəxslər uşaq hüquqlarının pozulmasına da səbəb olduqları üçün onlara inzibati və cinayət məsuliyyəti tətbiq olunur.

Bu müddət ərzində yenə alimenti ödəmirlərsə cəzalar daha da sərtləşdirilir. Ümumiyyətlə, Ailə Məcəlləsində və digər hüquqi aktlarda alimentin ödənilməsindən azad edən heç bir müddəa yoxdur. Bütün hallarda, hətta valideynlər xəstə olduqda, ölkədən kənarda yaşadıqda belə uşaqları saxlamağa borcludurlar.

Milli.Az


Tags:  Aliment ödəməyənlərə qarşı cəzalar sərtləşdirilir VİDEO

RƏYLƏR


Top news