Aktual mövzular: Dollar alış-satışı , Hava haqqında, Məzənnə, Neftin qiyməti

Lavrov və Kerri Suriya münaqişəsini müzakirə ediblər

Lavrov və Kerri Suriya münaqişəsini müzakirə ediblər

Date: 22 November 2016 21:37

Bakı. 22 noyabr. REPORT.AZ/ Rusiya Federasiyasının xarici işlər naziri Serqey Lavrov və ABŞ-ın dövlət katibi Con Kerri telefonla Suriyada münaqişənin nizama salınması yollarını müzakirə ediblər.
"Report" xəbər verir ki, bu barədə Rusiya Federasiyası Xarici İşlər Nazirliyi məlumat yayıb.
Nazirliyin məlumatına görə, danışıq Amerika tərəfinin təşəbbüsü ilə olub.
"İki ölkənin rəsmiləri BMT Təhlükəsizlik Şurasının Suriyada danışıqlara ilkin şərtsiz başlamaq tələbi də daxil olmaqla, münaqişənin nizama salınması yollarının müzakirəsini davam etdirib. Həmçinin Hələbin qanunsuz silahlı qruplaşmaların olduğu şərq hissəsində vəziyyətin normallaşdırılması məsələsi müzakirə edilib" – deyə nazirliyin məlumatında qeyd olunur.
Danışıqlarda eləcə də başqa aktual beynəlxalq məsələlər, o cümlədən Yəməndə, Ukraynada mövcud durum, yaxın Şərqdə vəziyyətin nizama salınması da diqqət mərkəzində olub.


Tags:  Lavrov Kerri Suriya münaqişəsini müzakirə ediblər


RƏYLƏR


Top news