Tailandda İŞİD tərəfdarları aşkarlanıb

Tailandda İŞİD tərəfdarları aşkarlanıb
08:52 23 Noyabr 2016
69 Dünya
Ölkə mətbuatı
A- A+

Bakı. 23 noyabr. REPORT.AZ/ Tailand Krallığında ilk dəfə olaraq İŞİD terror qruplaşmasının izləri aşkarlanıb.
"Report"un məlumatına görə, bu barədə "Bangkok Post" qəzeti xəbər verib.
Qəzetin yaydığı məlumatda bildirilir ki, ölkə ərazisində İŞİD-in maliyyələşdirilməsi üçün vəsait yığımı aparılır. Avstraliyanın hüquq-mühafizə orqanları əməkdaşlarının Tailanddan olan həmkarlarına verdikləri isə məlumatda məlum olub ki, son illər krallığın 100 mindən çox internet istifadəçisi daim sosial şəbəkələrdə terror qruplaşmasıyla bağlı səhifələrə baxır.
Tailand milli polisi rəhbərinin müavini Srivar Ransibraxmanakun jurnalistlərə açıqlamasında bu məlumatların etibarlılığını təsdiq edib. O, bildirib ki, söhbət əsasən cənub vilayətlərinin bəzi sakinlərindən gedir.
Baş nazir Prayut Çan Oça isə qeyd edib ki, krallığın xüsusi xidmət orqanları terrorçuların potensial tərəfdarlarını axtarır. 
"Bütün dünya İŞİD-in təhlükəsi altındadır. Bu problem hər ölkədə mövcuddur" – deyə hökumət rəhbəri bildirib.

Xəbərin orijinal ünvanı: https://report.az/diger-olkeler/tailandda-i-si-d-terefdarlari-askarlanib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR