Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Qarabağ" Liberetsdə: Öncə Trpişovski, sonra Qurbanov

"Qarabağ" Liberetsdə: Öncə Trpişovski, sonra Qurbanov

Date: 23 November 2016 09:42

Avropa Liqasının qrup mərhələsində "Slovan"la qarşılaşacaq "Qarabağ" artıq Çexiyadadır.

Milli.Az apasport.az-a istinadən xəbər verir ki, Ağdam klubu bu gün matçın keçiriləcəyi Liberets şəhərinə gəlib.

Komandanı Çexiyaya gətirən təyyarə Bakı vaxtı ilə saat 17:00-da Heydər Əliyev adına Beynəlxalq Hava Limanını tərk edib və 4 saat yarımdan sonra Praqa şəhərinə çatıb. Vatslav Hava Limanında təxminən 1 saata yaxın pasport qeydiyyatının ardından həm futbolçular, həm də jurnalistlər onlar üçün ayrılmış avtobuslarla Liberetsə yollanıblar. Saat yarımlıq yolçuluq yerli vaxtla saat 20:50-də (Bakı vaxtı ilə 23:50) başa çatıb.
 
Komandalar sabah oyunöncəsi son məşqə çıxacaqlar. Əvvəlcə meydan sahibləri matçın keçiriləcəyi arenada hazırlaşacaqlar. Ondan öncə isə yerli vaxtla saat 16:30-da "Slovan"ın baş məşqçisi Yindrix Trpişovski jurnalistlər önünə çıxacaq. Bir saatdan sonra isə "Qarabağ"ın çalışdırıcısı Qurban Qurbanovun iştirakı ilə mətbuat konfransı təşkil olunacaq. Ardından komanda ilk 15 dəqiqəsi mətbuata açıq olmaqla məşq keçəcək.
 
Ağdam klubu Liberetsə tam heyətlə gəlib. Hətta oynamayacağı dəqiq olan kapitan Rəşad Sadıqov da kollektivlə birlikdədir. Digər mərkəz müdafiəçisi Bədavi Hüseynovun yüngül zədəsi olsa da, millimizin üzvü görüşə hazır olacaq.
 
Qeyd edək ki, "Slovan" - "Qarabağ" qarşılaşması noyabrın 24-də Liberetsin "Nisu" stadionunda keçiriləcək.

Milli.Az


Tags:  Qarabağ Liberetsdə Öncə Trpişovski sonra Qurbanov


RƏYLƏR


Top news