Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Yapon jurnalistin adı "qara siyahı"dan çıxarıldı - O, Azərbaycana gələcək

Yapon jurnalistin adı "qara siyahı"dan çıxarıldı - O, Azərbaycana gələcək

Date: 23 November 2016 09:52

Yaponiya vətəndaşı, "Mainichi" xəbər agentliyinin əməkdaşı Hitoşi Omaenin adı arzuolunmaz şəxslər siyahısından çıxarılıb.

XİN-dən Milli.Az-a verilən məlumata görə, Yaponiya vətəndaşı, "Mainichi" xəbər agentliyinin əməkdaşı Hitoşi Omae Xarici İşlər Nazirliyinə məktubla müraciət edərək, adının "Azərbaycan Respublikasının işğal edilmiş ərazilərinə qanunsuz səfər etmiş əcnəbilərin siyahısı"ndan çıxarılmasını xahiş edib.

Məktubunda o, işğal olunmuş ərazilərimizə Azərbaycan Respublikasının icazəsi olmadan səfər etməsinin qeyri-qanuni olmasından xəbərsiz olduğunu bildirərək, səfər ilə bağlı təəssüfünü ifadə edib və səfərin nəticələri ilə əlaqədar yazdığı məqalələrin hər hansı bir tərəfin maraqlarına xidmət etmədiyini bildirib. H.Omae Azərbaycanın ərazi bütövlüyü və suverenliyinə hörmət etdiyini vurğulayıb.

Məktubda Hitoşi Omae həmçinin ölkəmiz və münaqişə haqqında daha doğru və obyektiv məlumatların Yaponiya ictimaiyyətinə çatdırılması məqsədilə Azərbaycana səfər etmək niyyətini ifadə edərək, səfərin təşkili üçün müvafiq köməklik göstərilməsini xahiş edib.

Hitoşi Omaenin müraciəti və onun media nümayəndəsi olması müvafiq qaydada nəzərə alınıb və onun adının arzuolunmaz şəxslər siyahısından çıxarılmasına dair qərar qəbul edilib.

Pünhan Mirzə

Milli.Az


Tags:  Yapon jurnalistin adı qara siyahıdan çıxarıldı Azərbaycana gələcək

RƏYLƏR


Top news