Aktual mövzular: Dollar alış-satışı , Hava haqqında, Məzənnə, Neftin qiyməti

Yol polisi: Bəzi yollarda gərginlik yaşanıb

Yol polisi: Bəzi yollarda gərginlik yaşanıb

Date: 23 November 2016 10:32

Noyabrın 22-dən etibarən Bakıda müşahidə edilən qarlı hava şəraiti ilə əlaqədar noyabrın 23-də səhər saatlarında paytaxtın bəzi yollarında gərginlik yaşanıb.

Bu barədə Milli.Az-a Daxili İşlər Nazirliyi (DİN) Bakı Şəhər Baş Polis İdarəsi Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov deyib.

Bölmə rəisinin sözlərinə görə, narahatlıq xüsusən Bakının enişli-yoxuşlu yollarında meydana gəlib: "Səhər saat təxminən 8-dən 9-dək enişli-yoxuşlu yollarda, əsasən Yasamal rayonu ərazisində, Əsəd Əhmədov və Məhəmməd Xiyabani küçələrində, 3-cü Kənar dairəvi yol, Biləcəri enişi, 20 Yanvar dairəsində Sumqayıt şəhəri istiqamətində, Tbilisi prospektində gərginlik nisbətən artıb. Amma buz bağlayan yollarda Bakı Şəhər İcra Hakimiyyətinin texnikası və Bakı Şəhər Dövlət Yol Polisi əməkdaşlarının vaxtında nəzarəti və müdaxiləsi problemin aradan qaldırılmasına kömək edib. Hazırda bütün istiqamətlər üzrə vəziyyət normaldır, nəqliyyatın intensivliyi müşahidə olunur".

İlkin İzzət

Milli.Az


Tags:  Yol polisi Bəzi yollarda gərginlik yaşanıb

RƏYLƏR


Top news