Aktual mövzular: Dollar alış-satışı , Hava, Məzənnə, Neftin qiyməti

Erməni girovluğunda saxlanılan Dilqəm Əsgərov və Şahbaz Quliyevin Müdafiə Komitəsinin İşçi Qrupu yaradılıb

Erməni girovluğunda saxlanılan Dilqəm Əsgərov və Şahbaz Quliyevin Müdafiə Komitəsinin İşçi Qrupu yaradılıb

Dilqəm Əsgərovdan PİS MƏKTUB GƏLDİ: "Mənə 30-dan çox iynə vurdular, vəziyyətim..." (18 Mart 2017 11:13)
"Mənə 30-dan çox iynə vurdular" - Dilqəm ağır durumdadır (18 Mart 2017 10:42)
PAP və FTƏP üzrə NATO-nun ekspertlər qrupu ilə işçi görüşü keçirilib (13 Mart 2017 18:07)

Tarix: 23 Noyabr 2016 11:57

Bakı. 23 noyabr. REPORT.AZ/ Ermənistanda girovluqda saxlanılan Azərbaycan vətəndaşları Dilqəm Əsgərov və Şahbaz Quliyevin Müdafiəsi Komitəsinin iclası keçirilib.
“Report”un xəbərinə görə, tədbirdə Milli Məclisin deputatları, ziyalılar iştirak ediblər.
Çıxış edən Qarabağ Azadlıq Təşkilatının (QAT) sədri Akif Nağı deyib ki, onların azadlığa buraxılması ilə bağlı iş aparmaq çox çətindir.
O qeyd edib ki, girovların azadlığa buraxılması məsələsi Azərbaycan dövlətinin diqqət mərkəzindədir: “Onlara girovluqda işgəncə verirlər. Saxta məhkəmə quraraq onlara qarşı ittiham irəli sürüblər. Beynəlxalq təşkilatlar isə bu məsələdə susurlar. İstəsələr, onların azadlığa buraxılmasına nail ola bilərlər. Biz Müdafiə Komitəsinin İşçı Qrupunu yaradırıq, məqsədimiz onların azadlığa buraxılmasına nail olmaqdır. Bununla biz ictmai rəyə təsir etmək istəyirik”.
İclasda Müdafiə Komitəsinin 5 nəfərdən ibarət İşçi Qrupunun yaradıldığı elan edilib, komitənin tərkibi də genişləndirilib. İşçi Qrupunun həftədə bir dəfə iclasının keçirilməsi ilə bağlı qərar qəbul olunub.
Bundan başqa, Müdafiə Komitəsinin sədrinin Milli Məclisin sabiq deputatı Əlövsət Ağalarov olması təklif edilib, təklif səsə qoyularaq qəbul edilib.
Sonda Müdafiə Komitəsi adından Azərbaycan Prezidenti İlham Əliyevə, Birləşmiş Millətlər Təşkilatının (BMT) İnsan Hüquqları üzrə Ali Komissarı Zeid Ra’ad Al Husseinə, Rusiyanın Azərbaycandakı səfiri Vladimir Doroxinə müraciət ünvanlanıb.
Müraciətdə girovların azadlığa buraxlması üçün dəstək verilməsi xahiş olunub.

Teqlər:  Erməni girovluğunda saxlanılan Dilqəm Əsgərov Şahbaz Quliyevin Müdafiə Komitəsinin İşçi Qrupu yaradılıb



RƏYLƏR


Top xəbərlər