Türkiyənin Bursa şəhərində psixoloji problemləri olan 51 yaşındakı Dilek Toktaşlı birlikdə yaşadığı 87 yaşlı anası Hanife Toktaşlı öləndən sonra onun cəsədi ilə üç həftə birlikdə qalıb.
Publika.az xəbər verir ki, qonşular pis qoxunun
gəldiyini polisə xəbər verəndən sonra hadisə ortaya çıxıb.
Evə gələn polis əməkdaşları 87 yaşlı qadının cəsədi ilə
qarşılaşıblar. Qızı isə qaçmaq istəyərkən, polislər tərəfindən
tutulub. Məlumatlara görə, ana və qız 10 ildən artıq müddətdə həmin
evdə yaşayıblar.
Polis Dilek Toktaşlıdan anasının öldüyü haqda niyə xəbər
vermədiyini soruşub. O isə “fikirləşdim, sağalacaq, ona görə polisə
xəbər vermədim”, - deyə cavab verib.
“Qazımız kəsilmişdi. Mən də anam üşüməsin deyə gedib qaz pulunu
ödədim. Amma cümə günündən bəri heç danışmır. Dünən ona su və meyvə
verdim, yemədi. Telefonumuz da olmadığı üçün heç kimə zəng edə
bilmədim”, - deyə o bildirib.
Tibbi ekspertiza müəyyən edib ki, 87 yaşlı qadın 20-25 gün öncə
ölüb.
Nəriman