Aktual mövzular: Dollar alış-satışı , Hava haqqında, Məzənnə, Neftin qiyməti

Musiqili Teatrda həftəsonunun maraqlı tamaşaları

Musiqili Teatrda həftəsonunun maraqlı tamaşaları

Date: 23 November 2016 13:52

Azərbaycan Dövlət Musiqili Teatrında həftəsonu 5 tamaşa nümayiş olunacaq.

Dövlət Musiqili Teatrının mətbuat katibi Samir Sədaqətoğlu Milli.Az-a bildirib ki, 25, 26, 27 noyabr tarixlərində saat 12.00 və 19.00-da tamaşaçılara "Qafqazlı qardaşqızı" (R. Hacıyev), "Yağış göbələyinin macərası" (R. Şəfəq, V. Zimin), "Toya bir gün qalmış" (Ə. Səmdəli), "Dəcəl çəpişlər" (O. Zülfüqarov, R. Heydər) və "Qızıl toy" (O. Kazımi, R. Heydər) tamaşaları təqdim olunacaq. Tamaşaçılar nümayiş olunacaq bu səhnə əsərlərində sevimli aktyorları - Azərbaycan Respublikasının xalq artisti, "Şöhrət" ordenli Afaq Bəşirqızı, əməkdar artistlər Svetlana Bulax, Ələkbər Əliyev, Boris Qrafkin, Əzizağa Əzizov, Nərgiz Kərimova, Əkbər Əlizadə, Səidə Şərifəliyeva, aktyorlar Möylə Mirzəliyev, Məhərrəm Qurbanov, Rəsmiyyə Nurməmmədova, Ağaxan Şərifov, Gülcahan Salamova, Marina Litvinenko, Firuz Məmmədov, Emil Heydərov, Nadejda Povelitsına, Gülçöhrə Abdullayeva, Yuliya Heydərova, Əliməmməd Novruzov, Hüseyn Əlili, Mehriban Zalıyeva, Ruslan Mürsəlov, Şaban Cəfərov, Gülnarə Əzizova, Nicat Əli, Əmrah Dadaşov, Elnarə Nağdəliyeva, Fərid Rzayev, Rauf Babayev, Güldanə Əzimova, Elməddin Dadaşov və başqalarının ifalarını izləyə biləcəklər.

Qeyd edək ki, Musiqili Teatr bu həftə də rusdilli və balaca tamaşaçılarını unutmayıb. Belə ki, 25 noyabr tarixində saat 19.00-da SSRİ xalq artisti R. Hacıyevin "Qafqazlı qardaşqızı" əsəri böyüklər, 26 noyabr tarixində saat 12.00-da R. Şəfəq, V. Ziminin "Yağış göbələyinin macərası" tamaşası uşaqlar üçün rus dilində nümayiş olunacaq. O. Zülfüqarov və R. Heydərin "Dəcəl çəpişlər" əsəri isə 27 noyabr tarixində saat 12.00-da Azərbaycan dilində balaca tamaşaçılara təqdim olunacaq.

Həmçinin Azərbaycan teatr və kino sənətinin görkəmli nümayəndəsi, böyük gülüş ustası, Dövlət mükafatı laureatı, xalq artisti Nəsibə xanım Zeynalovanın anadan olmasının 100 illiyinə həsr olunmuş yubiley tədbiri də 24 noyabr saat 19.00-da Dövlət Musiqili Teatrında keçiriləcək.

Teatrsevərlər Musiqili Teatrın tamaşalarına 6 manatdan başlanan biletləri şəhərin bütün teatr-konsert kassalarından və "ASAN Xidmət" mərkəzlərindən əldə edə bilərlər.

Milli.Az


Tags:  Musiqili Teatrda həftəsonunun maraqlı tamaşaları

RƏYLƏR


Top news