Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Naxçıvan-Məşhəd dəmir yolu reysi bu ay açılacaq

Naxçıvan-Məşhəd dəmir yolu reysi bu ay açılacaq

Date: 23 November 2016 15:47

Bakı. 23 noyabr.REPORT.AZ/ Naxçıvan (Azərbaycan)-Məşhəd (İran) marşrutu ilə sərnişin elektrik qatarı artıq yaxın vaxtlarda istismara veriləcək. "Report" xəbər verir ki, bunu "Azərbaycan Dəmir Yolları" QSC-nin sədri Cavid Qurbanov bildirib. 
"Naxçıvan-Məşhəd qatarı 27-30 noyabr aralığında işə düşəcək", - deyə C.Qurbanov əlavə edib. 
Xatırladaq ki, Naxçıvan-Məşhəd sərnişin elektrik qatarının hərəkət marşrutu da artıq müəyyən edilib.
Qeyd edək ki, Azərbaycan Naxçıvan-Məşhəd marşrutu üzrə hərəkət edəcək sərnişin qatarının heyəti üçün İran tərəfinə artıq 3 vaqon təqdim edib. 36 nəfərlik "kupe" tipli vaqonlar əsaslı bərpa-təmir görmüş nəqliyyat vasitələridir.
Belə ki, üç vaqon ayrı lokomotivlə İranın Təbriz şəhərinə qədər hərəkət edəcək. Təbrizdə isə vaqonlar Təbriz-Məşhəd qatarına qoşulacaq. Eyni zamanda, geri qayıdarkən vaqonlar Məşhəd şəhərindən Təbrizə qədər, daha sonra ayrı lokomotivlə Culfaya (İran) qədər hərəkət edəcək. Culfadan isə Azərbaycana məxsus lokomotiv vasitəsilə Naxçıvana çatdırılacaq.


Tags:  Naxçıvan-Məşhəd dəmir yolu reysi bu ay açılacaq


RƏYLƏR


Top news