Aktual mövzular: Dollar alış-satışı , Hava haqqında, Məzənnə, Neftin qiyməti

Baş katib: “Türkiyə NATO-nun birliyini zəiflədəcək heç bir addım atmaz”

Baş katib: “Türkiyə NATO-nun birliyini zəiflədəcək heç bir addım atmaz”

Date: 23 November 2016 16:47

Bakı. 23 noyabr. REPORT.AZ/ “Mən qəti əminəm ki, Türkiyə ortaq müdafiə anlayışını və NATO-nun birliyini zəiflədəcək heç bir addım atmaz”.
“Report” Türkiyə KİV-inə istinadən xəbər verir ki, bunu NATO-nun Baş katibi Yens Stoltenberq Türkiyənin “Hürriyet” qəzetinə müsahibəsində bildirib.
Siyasi müşahidəçilər hesab edirlər ki, Y.Stoltenberq müsahibəsində səsləndirdiyi fikirlərlə diplomatik yolla Türkiyəyə xəbərdarlıq edib. O, NATO üzvlərinin hücuma məruz qalacaqları halda ortaq müdafiə sistemini yaradan sənədin 5-ci maddəsini xatırladıb: ”Türkiyə alyansdan ayrılacağı halda müştərək müdafiədən məhrum olacaq”.
Xatırladaq ki, 5-ci maddənin mahiyyəti onun girişində verilib: “Tərəflər razılığa gəlirlər ki, Avropada və ya Şimali Amerikada onların bir və ya bir neçəsinə qarşı silahlı hücum, onların hər birinə qarşı hücum hesab ediləcək”.
NATO-nun bu qarşılıqlı müdafiə öhdəliyi heç vaxt sınaqdan keçirilməyib. 5-ci maddə yalnız bir dəfə - 2001-ci il sentyabrın 11-də Nyu-York və Vaşinqtonda terror aktlarından sonra tətbiq edilib. Bu da ABŞ-ın NATO-dakı müttəfiqlərinin həmrəylik jesti kimi qiymətləndirilir.
Qeyd edək ki, Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatında “Böyük 5”liyin (Türkiyə, Rusiya, Çin, HindistanPakistan) yaradılmasının mümkünlüyünü bildirmişdi. Rusiya və Çin rəsmiləri R.T.Ərdoğanın bu fikirlərini dəstəkləyən açıqlamalar veriblər. 


Tags:  Baş katib Türkiyə NATO-nun birliyini zəiflədəcək heç addım atmaz


RƏYLƏR


Top news