Azərbaycan Dövlət Akademik Opera və Balet Teatrı öz yaradıcılıq ənənələrinə sadiq qalaraq vokal və balet sənəti ulduzlarının iştirakı ilə tamaşaların nümayişini davam etdirir.
Bu sıradan növbəti tamaşa dekabrın 10-da baş tutacaqdır. Həmin gün Teatrımızda nümayiş olunacaq P.Çaykovskinin "Qu gölü" baletinin tamaşasında baş rolu - Odetta-Odilliya partiyasını ifa etmək üçün Ukrayna Milli Operasının prima-balerinası, Ukraynanın Xalq artisti, beynəlxalq müsabiqələr laureatı Tatyana Qolyakova dəvət olunmuşdur. Onun tərəf müqabili kimi şahzadə Ziqfrid rolunu isə digər bir ukraynalı balet ulduzu beynəlxalq müsabiqələr laureatı Viktor İşşuk ifa edəcəkdir.
Tamaşanı xalq artisti, professor Cavanşir Cəfərov idarə edəcəkdir.
Milli.Az