Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

DGK Çindən Azərbaycana saxta yumurta və düyü ixracı ilə bağlı yayılan xəbərləri təkzib edib

DGK Çindən Azərbaycana saxta yumurta və düyü ixracı ilə bağlı yayılan xəbərləri təkzib edib

Date: 23 November 2016 19:12

Bakı. 23 noyabr. REPORT.AZ/ "Son günlər bir sıra kütləvi informasiya vasitələrində Çindən Azərbaycana saxta yumurta və düyü idxal edilməsi ilə bağlı həqiqətə uyğun olmayan məlumatlar yayılır". 
Dövlət Gömrük Komitəsindən "Report"a verilən məlumata görə, 2016-cı il ərzində Çindən Azərbaycana, ümumiyyətlə, yumurta idxalı qeydə alınmayıb və bu ölkədən Azərbaycana saxta yumurta idxal edilməsi ilə bağlı yayılan məlumatlar həqiqəti əks etdirmir.
Bildirilib ki, 2016-cı ildə Azərbaycana Çin istehsalı olan cəmi 2 ton düyü idxal edilib: "Belə ki, Çindən Rusiyaya göndərilən düyü məhsulunun cəmi 2 tonu Rusiya şirkəti tərəfindən standartlara uyğun qablaşdırılaraq Azərbaycana ixrac edilib. Həmin məhsul da hər iki dövlətin qanunvericiliyi ilə nəzərdə tutulmuş qaydada gömrük nəzarətindən keçirilib və gömrük rəsmiləşdirilməsi üçün lazım olan sənədlər qanunvericiliyin tələblərinə tam cavab verir".


Tags:  DGK Çindən Azərbaycana saxta yumurta düyü ixracı bağlı yayılan xəbərləri təkzib edib

RƏYLƏR


Top news