Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Qonşusuna görə kredit aldı, işə düşdü - VİDEO

Qonşusuna görə kredit aldı, işə düşdü - VİDEO

Date: 23 November 2016 23:17

Bərdə sakini kredit götürüb verdiyi və daha sonra xəbəri olmadan zamin durduğu qonşusunun borcunu ödəyir. Milli.Az xezerxeber.com-a istinadən bildirir ki, hazırda o əmək qabiliyyətini itirdiyi üçün borc, pensiya kartına yönəldilib. Şəxs, məsələni hüquqi müstəvidə necə həll edə bilər?

Qonşusuna görə kredit aldı, işə düşdü. Bərdənin Qaratəpə kənd sakini Qulu Quliyev, 2013-cü ildə Məhəmməd Abbasov adlı qonşusunun xahişi ilə bankdan 1000 manat istehlak krediti götürüb.

2014-cü ildə isə başqa bankdan yenə eyni qonşusuna görə 2500 manat kredit alıb. Lakin bir müddət sonra qonşusu götürülən hər iki krediti ödəməkdən boyun qaçırıb.

Hələ bu azmış kimi, Qulu Quliyev bir müddət sonra Məhəmməd Abbasovun ailəsi tərəfindən adının bankda zamin kimi yazıldığını da öyrənib.

Hazırda Qulu Quliyev yataq xəstəsidir. Bir neçə dəfə beynindən əməliyyat olunduğundan əmək qabiliyyətini itirib. Məhəmməd Abbasov isə ailəsi ilə birlikdə kənddən köçüb. Ödəniş etmədiyindən bank, hər üç krediti Qulu Qulıyevdən tələb edir. Oğlu Ramiz Quliyevin sözlərinə məhkəmə qərarı ilə borc atasının pensiyasına yönəldilib.

Mütəxəssislər də deyir ki, kreditin aqibəti bankı maraqlandırmır. Bu səbəbdən də ödənişin Qulu Quliyevdən tələb edilməsində qanunazidd hərəkət yoxdur. Sadəcə bankdan müəyyən güzəşt istənilə bilər.

O, ki qaldı imza atmadığı sənədlər əsasında onun zamin kimi göstərilməsinə... Asif Abdullayevin sözlərinə görə, şəxs, qeyri-qanuni yolla verilən kreditin aylıq ödənişini ödəməyə məcbur deyil.

Qanunvericiliyə görə, götürülən kreditin aylıq ödənişi, əməkhaqqı və pensiya kartına yönəldilə bilər. Ancaq maksimum 50 faiz olmaq şərti ilə. Yəni, Ramiz Quliyev atasının adı ilə məhkəməyə müraciət edərək, bu məsələni də həll edə bilər.

Milli.Az


Tags:  Qonşusuna kredit aldı işə düşdü VİDEO

RƏYLƏR


Top news