Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

BirLink - Köhnə problemlərin yeni həlli

BirLink - Köhnə problemlərin yeni həlli

Date: 24 November 2016 11:05

Telekommunikasiya texnologiyaları daim inkişaf etməkdədir: bu gün Azərbaycanda istifadəçilərin internet şəbəkəsinə sürətli qoşulmanın bir neçə üsulu təklif edilirr. Onlardan biri də günü-gündən daha geniş yayımlanan, fiber-optik kabelin birbaşa istifadəçinin mənzilinin və ya şəxsi evinin içərisinə çəkilməsini nəzərdə tutan FTTH və ya "Fiber To The Home" qoşulma üsuludur. Azərbaycanda bu xidməti BirLink brendi altında Enginet şirkəti təqdim edir.

Şirkətin direktoru Anar Nağıyevin sözlərinə görə "istifadəçilərin və müvafiq proqram əlavələrinin internetə qoşulma sürətinə dair tələbləri daim artır. FTTH texnologiyası istifadəçilərimizin əsas tələbini - yüksək sürətli, sabit və keyfiyyətli qoşulma - təmin edə bilir. Fiber-optik kabelin yüksək keçiricilik imkanı və fiziki etibarlılığı abonentlərimizi eyni anda internet şəbəkəsinə çıxışla, kabel televiziyası və telefon xidmətləri ilə təmin etməyimizə imkan yaradır. FTTH texnologiyası Avropa Birliyinin ölkələrində, ABŞ və Yaponiyada çox geniş yayımlanmışdır. Avropa Birliyinin bir çox şəhər və yaşayış məntəqələri bu texnologiyanın öz gələcək inkişafları üçün vacibliyini tanıyaraq, özəl şirkətlərini müvafiq infrastruktura sərmayə qoymağa təşviq edir və həvəsləndirir".

BirLink - FTTH texnologiyasının milli provayderidir. BirLink öz xidmətlərini yalnız Bakı və Abşeronda deyil, həmçinin Sumqayıt, Xırdalan və ölkənin bir sıra digər şəhərlərində də təqdim edir. "Məqsədimiz Azərbaycanın mümkün dərəcədə çox şəhər, kənd, bütün regionlarda yaşayan həmvətənlərimiz üçün xidmətlərimizdən istifadə etmək imkanının yaradılmasıdır. Razıyam, planlarımız çox genişdir, amma biz işimizə tək biznes baxımından yanaşmırıq: biz səmimi inanırıq ki, kommunikasiya texnologiyalarının inkişafı bütün cəmiyyətimizin inkişafının əsas şərtlərindən biridir. Bizim istəyimiz yalnız paytaxt və ya böyük şəhərlərin sakinləri üçün yox, bütün ölkə üçün innovativ texnologiyaları əlçatan etməkdir. İstifadəçilərimiz hansı imkanlardan yararlana bilərlər? Qoşulmanın saniyədə 100 Mbit-ə qədər yüksək sürəti və şəxsi fiber-optik xəttinin mövcudluğu bizə tələbatları müxtəlif olan istifadəçilərimizin bütün kateqoriyalarına xidmətlərimizin bütün çeşidini təklif etmək imkanını verir: bura, ilk növbədə, internet şəbəkəsinə sürətli qoşulma, ip televiziya, SIP telefon xidmətləri, statik ip ünvanı, domofonların quraşdırılması və s. daxildir. "Statik ip ünvanı" xidməti isə, öz növbəsində, şəxsi serverin yaradılması, kompüterə və videokameralara məsafədən çıxış və nəzarət imkanı və s. deməkdir. Xidmət və tarif paketlərini formalaşdırarkən biz bütün müştəri kateqoriyalarını nəzərə alırıq: kiçik və orta ofislər, ofislərdə və ya evlərində çalışan mütəxəssislər, evdar xanımlar və müxtəlif tələbatlara malik bir neçə istifadəçidən ibarət ailələr, internet şəbəkəsindən tədris məqsədlərilə istifadə edən tələbələr və şagirdlər və s. daxildir. Onu da demək istərdim ki, ailəvi abunəçilərimiz arasında "Uşaq interneti" xidməti də çox populyardır. Bu, uşaqları internetdə həddindən çox olan neqativ, xoşagəlməz kontentdən qoruyan filtrlər sistemidir", - bizə Anar Nağıyev danışdı. Onun sözlərinə görə, "Uşaq interneti" xidməti rəqəmsal təhlükəsizlik üzrə həllər sahəsində dünyanın aparıcı şirkətlərindən birinin proqram təminatı əsasında hazırlanıb, təqdim edilir.

BirLink xidmətləri üzrə qiymətlər qoşulma sürətindən və paketə daxil olan xidmətlər çeşidindən asılı olaraq fərqlənir. Şirkət o cümlədən, kiçik və orta biznes sahiblərinə də öz xidmətlərini təklif edir. "Abonentimiz olmaq üçün www.birlink.az internet səhifəmizdəki müvafiq formanı doldurmaq və ya Məlumat Mərkəzimizə zəng etmək kifayətdir. Abunəçilərimizin rahatlığı üçün xidmətlərimizin haqlarının ödənilməsi şirkətin, habelə www.hesab.az və www.ode.az internet səhifələrində, və eləcə də MilliÖn, e-manat terminallarında və bankların filiallarında mümkündür", - şirkətin direktoru vurğulamışdır.

BirLink xidmətləri barədə ətraflı məlumat üçün: (+994 12) 599 11 99



Tags:  BirLink Köhnə problemlərin yeni həlli

RƏYLƏR


Top news