Aktual mövzular: Dollar alış-satışı , Hava, Məzənnə, Neftin qiyməti

İrandan Azərbaycana quş və quşçuluq məhsullarının idxalına qadağa qoyulub

İrandan Azərbaycana quş və quşçuluq məhsullarının idxalına qadağa qoyulub

Türkiyə Rusiyadan taxıl idxalını dayandırdı (27 Mart 2017 12:59)
Braziliyadan ət idxalına qadağa (24 Mart 2017 14:38)
Gürcüstanda nəqliyyatın Ermənistan istiqamətində hərəkətinə qadağa qoyuldu (19 Mart 2017 09:27)

Tarix: 24 Noyabr 2016 11:27

Bakı. 24 noyabr. REPORT.AZ/ Tehranda (İran) iki damazlıq quşçuluq təsərrüfatında ev quşları arasında yüksək patogenli quş qripi (H5N8) xəstəliyi yayılıb. Azərbaycan Kənd Təsərrüfatı Nazirliyindən "Report"a verilən xəbərə görə, bu məlumat noyabrın 22-də Dünya Heyvan Sağlamlığı Təşkilatı (BEB) tərəfindən daxil olub. 
Bununla əlaqədar, Azərbaycan ərazisinin başqa dövlətlərdən keçə biləcək yoluxucu və ekzotik xəstəliklərdən qorunması məqsədilə Kənd Təsərrüfatı Nazirliyi yanında Dövlət Baytarlıq Nəzarəti Xidməti (DBNX) tərəfindən yüksək patogenli quş qripi xəstəliyi qeydə alındığı üçün İrandan diri quş və quşçuluq məhsullarının idxalına müvəqqəti olaraq məhdudiyyət qoyulması məqsədi ilə əmr imzalanıb. İranda ev quşları arasında yayılmış yüksək patogenli quş qripi (H5N8) xəstəliyi ilə bağlı ölkənin bu xəstəlikdən qorunması üçün zəruri baytarlıq-sanitariya tədbirlərinin görülməsi barədə DBNX-nin müvafiq bölmələrinə tapşırıq verilib.
Əmrdə dövlət baytarlıq nəzarətində olan digər yüklərin idxalı məsələsinə İran Dövlət Baytarlıq Xidmətinin yükün çıxarıldığı ərazinin epizootik vəziyyəti və məhsulun sağlamlığı haqqında rəsmi arayışı olduğu təqdirdə baxılması qeyd olunub.
DBNX əhaliyə tövsiyə edir ki, quşları baytarlıq-sanitariya tələblərinə riayət etməklə qapalı şəraitdə saxlasınlar.

Teqlər:  İrandan Azərbaycana quş quşçuluq məhsullarının idxalına qadağa qoyulub



RƏYLƏR


Top xəbərlər