Bakı-Quba yolunda avtomobil yanıb.
Milli.Az APA-ya istinadən xəbər verir ki, hadisə magistralın Siyəzən rayonu ərazisindən keçən hissəsində qeydə alınıb. "İnter" futbol klubunun futbolçularının olduğu mikroavtobus qəfildən alışıb.
Məşqçi Zöhrab Mahmudov APA-ya bildirib ki, avtobusda olan 20 futbolçudan xəsarət alan olmayıb.
Mikroavtobusa tüstü dolan kimi futbolçular maşından düşürülüblər.
Hadisə yerinə yanğınsöndürənlər cəlb olunublar, yanğın söndürülüb.
Milli.Az
