Aktual mövzular: Dollar alış-satışı , Hava haqqında, Məzənnə, Neftin qiyməti

Şirvanda iki nəfərin güllələnməsində şübhəli bilinən daha bir nəfər tutuldu

Şirvanda iki nəfərin güllələnməsində şübhəli bilinən daha bir nəfər tutuldu

Date: 24 November 2016 12:52

Şirvanda iki nəfərin qətlində şübhəli bilinən daha bir nəfər tutulub.

Milli.Az  APA-ya istinadən xəbər verir ki, polis və prokurorluq orqanları əməkdaşlarının apardıqları birgə tədbirlərlə 2015-ci il noyabrın 5-də Şirvan şəhər sakinləri Elvin Nəciyevin və Zaur Sarıbalayevin qətlə yetirilmələri ilə əlaqədar hadisədə iştirak etməkdə şübhəli bilinən digər şəxs - Hacıqabul rayon sakini Məhəmməd Heydərov saxlanılıb. Onun evinə baxış zamanı 6 ədəd tapança patronu aşkar edilərək götürülüb.
 
Qeyd edək ki, noyabrın 5-də Şirvan şəhəri, Heydər Əliyev  prospekti ilə Taleh Ələkbərov küçəsinin kəsişməsində yerləşən kafedə 1983-cü il təvəllüdlü Nəciyev Elvin Zamanəli oğlu və 1990-cı il təvəllüdlü Sarıbalayev Zaur Vəfadar oğlu tapançadan açılan atəşlə qətlə yetiriliblər.
 
İstintaqın gedişində məlum olub ki, qeyd edilən kafedə Elvin Nəciyev "Makarov" tipli tapançadan Zaur Sarıbalayevə ürək nahiyəsindən atəş açıb. O, aldığı güllə yarasından hadisə yerində ölüb. Şirvan sakini Ağami Əli isə "Makarov" tipli tapançadan açılan atəşlə Elvin Nəciyevi yaralayıb. Ürəyindən güllə yarası alan E.Nəciyev Şirvan Şəhər Xəstəxanasına çatdırılsa da, onu xilas etmək mümkün olmayıb.
 
Hadisə yerində 3 ədəd tapança gilizi və 1 ədəd patron aşkar edilib. Ağami Əlinin qətldə istifadə etdiyi "Makarov" tipli tapança 2 gün sonra Şirvan Şəhər Xəstəxanasının ərazisində tapılıb. 
 
Hadisədən dərhal sonra iki nəfər şübhəli şəxs qismində tutulub. Şirvan Şəhər Məhkəməsinin qərarı ilə Şirvan şəhər sakinləri - 1989-cu il təvəllüdlü Ağami Əli Rasim oğlu 4 ay və 1985-ci il təvəllüdlü Salmanov Tural Baloğlan oğlu barəsində isə 3 ay müddətinə həbs-qəti imkan tədbiri seçilib.

Milli.Az


Tags:  Şirvanda iki nəfərin güllələnməsində şübhəli bilinən nəfər tutuldu

RƏYLƏR


Top news