Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

“Retro” istirahət mərkəzində qadını öldürən şəxsin məhkəməsi qapalı keçirilir

“Retro” istirahət mərkəzində qadını öldürən şəxsin məhkəməsi qapalı keçirilir

Date: 24 November 2016 15:37

Bakı. 24 noyabr. REPORT.AZ/ Bu gün Bakı Ağır Cinayətlər Məhkəməsində qətl törətməkdə təqsirləndirilən Elməddin Əhmədovun cinayət işi üzrə məhkəmə iclası davam etdirilib.
"Report"un xəbərinə görə, hakim Əlövsət Abbasovun sədrliyi ilə keçirilən prosesdə zərərçəkmişin hüquqi varisi, qətlə yetirilən qadının anası Fəridə Zalovanın anket məlumatları dəqiqləşdirilib.
Daha sonra təqsirləndirilən şəxsin müdafiəçisi vəsatətlə çıxış edib. O, cinayət işində intim məsələlərin yer aldığını bildirib: "Burada şəxsi həyatla bağlı söhbətlər olduğu üçün prosesin qapalı keçirilməsini tələb edirik. Xahiş edirik ki, məhkəmə zalında əyləşən jurnalitlər və digər şəxslər çölə çıxarılsın".
Məhkəmə vəsatəti təmin ediib, proses qapalı keçirilib.
Qeyd edək ki, Daxili İşlər Nazirliyinin (DİN) yaydığı rəsmi məlumata əsasən, 2016-cı ilin yanvarın 15-də Quba şəhərində yerləşən “Retro” istirahət mərkəzində Sumqayıt şəhər sakini Könül Zalovanın üzərində zorakılıq əlamətləri görünməyən meyiti tapılıb.
Məlumata əsasən, yanvarın 13-nə keçən gecə K.Zalova idarə etdiyi “İnfiniti” markalı avtomobildə tanışı, Bakı şəhər sakini E.Əhmədovla birgə istirahət mərkəzinə gəlib. Meyit tapılarkən E.Əhmədov hadisə yerində olmayıb.
Sumqayıt Şəhər Polis İdarəsinin (ŞPİ) əməkdaşlarının həyata keçirdikləri əməliyyat-axtarış tədbirləri nəticəsində mülki-hüquqi öhdəliklərin icrasından yayındığına görə axtarışda olan E.Əhmədov tutulub. Ətrafında aparılmış əməliyyat tədbirləri ilə yanvarın 15-də onun K.Zalovanı boğaraq qətlə yetirməsi də müəyyən edilib.


Tags:  Retro istirahət mərkəzində qadını öldürən şəxsin məhkəməsi qapalı keçirilir

RƏYLƏR


Top news