Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Hamilə arvadını öldürüb evinin həyətində basdıran MƏHKƏMƏ QARŞISINDA

Hamilə arvadını öldürüb evinin həyətində basdıran MƏHKƏMƏ QARŞISINDA

Date: 24 November 2016 16:09

Bakıda birlikdə yaşadığı hamilə qadını qətlə yetirməkdə təqsirləndirilən Altay Həsənovun cinayət işi üzrə məhkəmə başlayıb.

 

Lent.az-ın məlumatına görə, Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. Məhkəmə baxışı noyabrın 30-na təyin edilib.

 

Qeyd edək ki, qətl hadisəsi bu il avqust ayında Bakının Xəzər rayonu Mərdəkan qəsəbəsində baş verib. Qəsəbə sakini 37 yaşlı A.Həsənov qeyri-rəsmi nikah münasibətində yaşadığı 34 yaşlı Yasəmən Novruzovanı mübahisə zəminində öldürüb. Hadisədən iki gün sonra isə A.Həsənov Xəzər Rayon Polis İdarəsini 1-ci Polis Bölməsinə gedərək arvadının itkin düşdüyünü deyib. Aparılan əməliyyat-axtarış tədbirləri nəticəsində A.Həsənovun Y.Novruzovanı qətlə yetirərək yaşadığı evin həyətində basdırdığı məlum olub. Meyit ekspertlərin iştirakı ilə basdırıldığı yerdən çıxarılıb. A.Həsənov isə saxlanılaraq istintaqa təhvil verilib. İlkin dindirmə zamanı o, həyat yoldaşını əmisi oğlu ilə mobil telefonla danışdıqdan sonra döydüyünü deyib. Qətlə yetrilən Y.Novruzova 4 aylıq hamilə imiş.


Tags:  Hamilə arvadını öldürüb evinin həyətində basdıran MƏHKƏMƏ QARŞISINDA


RƏYLƏR


Top news