Türkiyə Suriyada hərbi əməliyyatlara birbaşa daxil ola
bilər. Başqa sözlə, Türkiyə və Suriya orduları müharibənin bir
addımlığındadır. Avropa Parlamenti Avropa İttifaqı ilə Türkiyə
arasında 2005-ci il oktyabrın 3-də başlayan üzvlük müzakirələrinin
müvəqqəti dondurulmasını nəzərdə tutan qətnamə layihəsini qəbul
edib. Rusiya və Qərb arasında münasibətlər hər keçən gün daha da
pisləşir. Rusiya NATO-nun şərqə yaxınlaşmasına Kalininqradda nüvə
başlıqlı raketlər yerləşdirmək cavab verir.
Dağlıq Qarabağ üçün şok “Kerri planı” –
DETALLAR
Ermənistan xarici işlər nazirinin müavini Savarş
Koçaryan Dağlıq Qarabağla bağlı “Kerri planı”nın olduğunu
açıqlayıb.
“Lavrov planı”nın mövcud olmadığını deyən Koçaryan Ermənistanın
“Kerri planı”nı təklif etdiyini bildirib. “Bu Qarabağın
müstəqilliyinin tanınmasıdır”, - deyə o qeyd edib. Ermənistan XİN
rəsmisi bu açıqlaması ilə ABŞ-ın, daha dəqiq desək Obama
Administrasiyasının xain planını etiraf etdi. Hansı ki, Azərbaycan
Prezidenti İlham Əliyev “Qarabağın müstəqilliyini tanımağımız üçün
bizə təzyiq edirlər” mesajını da aydınlaşdırmış oldu.
ABŞ-ın hazırki dövlət katibi Con Kerri məlum “907-ci düzəliş”in
müəlliflərindən biri olub. Hələ 90-cı illərdə Qarabağın ermənilərə
verilməsi ilə bağlı Mixail Qorbaçova müraciət edib. O, son 4 ildə
diplomatik fəaliyyəti boyunca erməni maraqlarının müdafiəçisi kimi
tanınıb.
Koçaryanın açıqlamasından sonra bir daha məlum olur ki, Qarabağın
müstəqilliyinin tanınması üçün Azərbaycana zaman-zaman təzyiqlər
olub və bütün bu proses “Kerri planı” adı ilə tanınıb. Bu məsələ
ötən ilin sonunda daha qabarıq şəkildə ortaya çıxıb.
Türkiyə Suriyada hərbi əməliyyatlara birbaşa daxil
ola bilər. Bu gün səhər saatlarında Türkiyə topçu birlikləri
Lazikiye yaxınlığında yerləşən Suriya ordusunun qüvvələrini
vurub.
Dəməşq rejiminə yaxın “Əl Masdar əl Arabi” saytının hərbi
mənbəyə istinad edərək verdiyi xəbərə görə, Türkiyə ordusu, Navara
qəsəbəsində Suriya ordusuna atəş açıb. Suriya ordusunda itkinin
olmadığı, ancaq bölgədən çəkilmək məcburiyyətində qaldığı deyilir.
Türkiyə ordusunun daha əvvəl də Hələbin şimalında PYD güclərinə
hava hücumu təşkil etdiyi xəbər verilir.
Gecə saatlarında isə Suriya ordusunun Hərbi Hava
Qüvvələri türk əsgərlərinə qarşı hücum təşkil edib.
Türkiyə Silahlı Qüvvələrinin Baş qərargahından verilən son məlumata
görə, hücumda 3 əsgər şəhid olub, 10-u yaralanıb.
Qeyd edək ki, Türkiyə-Suriya arasında müharibə Yaxın Şərqdə baş
verə biləcək 10 müharibədən biri hesab edilir.
On müharibədən biri başlandı – Əsədin saytından ŞOK İDDİA
Türkiyə ordusu, Navara qəsəbəsində Suriya ordusuna atəş açıb.
Kreml Avropaya nüvə silahı tuşladı – ŞOK
XƏRİTƏLƏR
Rusiya və Qərb arasında münasibətlər də hər keçən
gün daha da pisləşir.
Alman generalı Hans-Lator Domreze yerli “Bild”
nəşrinə müsahibəsində deyib ki, Rusiya prezidenti Vladimir Putin
NATO sərhədlərində - Kalininqradda nüvə potensialını gücləndirməklə
tədricən beynəlxalq siyasətə qayıdır.
Qərbdə etiraf edirlər ki, bütün Avropa Rusiya raketlərinin
hədəfi altındadır.
Kreml Avropaya nüvə silahı tuşladı – ŞOK XƏRİTƏLƏR
Rusiya prezidenti Vladimir Putin NATO sərhədlərində nüvə potensialını gücləndirməklə tədricən beynəlxalq siyasətə qayıdır.
Kreml Polşa sərhədinə uzaqdan idarə olunan müharibə
robotu və robot tank yerləşdirir. NATO-nun Rumıniya
və Estoniya sərhədlərinə hərbi qüvvə yığmaq qərarına qarşı Rusiya
Kalininqrada nüvə başlığı daşıyan raketlər yerləşdirdi. Bunun
ardında da Polşa ilə sərhəddə robot tanklar və “ölüm robotu”
adlanan Platforma-M robot texnikası yerləşdirmək qərarına
gəlib.
“Ölüm robot”ları gün üzünə çıxdı – 25 il öncə baş tutmayan MÜHARİBƏ QAYIDIR
Kreml Polşa sərhədinə uzaqdan idarə olunan müharibə robotu və robot tank yerləşdirir.
Gürcüstan yaxın zamanlarda NATO-ya üzv
olacaq. Bunu Rusiya mətbuatına açıqlamasında Rusiya
Federasiya Şurasının Müdafiə və Təhlükəsizlik Məsələləri üzrə
Komitəsinin sədr müavini Frans Klintseviç söyləyib. Onun sözlərinə
görə, Rusiya bu məsələ ucbatından yerində saymayacaq: “Biz ən doğru
olanı edəcəyik. Abxaziya ilə hərbi ittifaqımız olduğuna görə onun
sərhədlərini möhkəmləndirəcəyik”.
Qeyd edək ki, bundan öncə Rusiya qondarma Abxaziya ilə vahid
ordu birləşmələrinin yaradılması haqqında müqavilə imzalayıb. ABŞ
Dövlət Departamenti bu müqaviləni kəskin tənqid edib və Abxaziyanı
Gürcüstan ərazisi hesab etdiyini bildirib.
Rusiya isə Ukrayna “agentləri”nun ovunu davam
etdirir. Rusiya Federal Təhlükəsizlik Xidməti (FSB) Sevastopolda
Qara dəniz donanmasının ehtiyatda olan kapitanı Leonid Parxomenkonu
həbs edib.
Parxomenko Rusiya əleyhinə casusluqda günahlandırılır. FSB bu
şəxsin Ukranya Baş Kəşfiyyat İdarəsinə çalışdığını və dövlət
sirlərini Kiyevə ötürdüyünü iddia edir.
Türkiyənin Adana şəhərində valilik binasının
avtomobil dayanacağında partlayış törədilib. Partlayışda 2 nəfər
ölüb, 20-dən çoxu yaralanıb.
Avropa Parlamenti Türkiyə ilə müzakirələri dondurdu -
QƏRAR
Avropa Parlamenti Avropa İttifaqı ilə Türkiyə arasında 2005-ci
il oktyabrın 3-də başlayan üzvlük müzakirələrinin müvəqqəti
dondurulmasını nəzərdə tutan qətnamə layihəsini qəbul edib.
Doqquz maddədən ibarət olan qətnamə layihəsi tövsiyə xarakteri
daşımaqla bərabər,siyasi baxımdan əhəmiyyətli bir sənəddir.
Dekabrın 15-16-da Avropa İttifaqı liderlərinin Brüsseldə
keçiriləcək sammitindədə qəbul ediləcək qərar Türkiyə və Avropa
İttifaqı arasındakı əlaqələrin gələcəyi baxımından həlledici
əhəmiyyətə sahib olacaq.
Qeyd edək ki, Türkiyə ilk dəfə 1959-cu ildə Avropa İqtisadi
Birliyinə tam üzvlük üçün müraciət edib. Avropa İttifaqı və Türkiyə
arasında assosiasiya haqqında razılaşma 1963-cü ildə imzalanıb.
Yalnız 2005-ci ildə başlanan üzvlük müzakirələri fikir ayrılıqları
ilə əlaqədar dəfələrlə dayandırılıb.
Türkiyənin Avropa Birliyi ilə İşlər üzrə naziri Ömər
Çelik söyləyib ki, ölkəsi Avropa Parlamentinin qərarına baxmayaraq,
terrorizmlə mübarizəni davam etdirəcək. Onun
sözlərinə görə, Türkiyəyə Suriya və İraqdan təhdidlərin gəldiyi
çətin dövrdə Avropada bəsirətsiz və birtərəfli diskussiyalar
aparılır: “Bu hücumlar insanlığa qarşı yönəlib və biz geri
çəkilməyəcəyik. Biz bir daha Avropa Parlamentinin qəbul etdiyi
qərarı dəyərləndirəcəyik”.
Anti-Türkiyə qərarı qəbul edən Avropa İttifaqına
növbəti zərbə hazırlanır. Böyük Britaniyadan sonra İtaliya da
Avropa Birliyini tərk edə bilər.
Sözügedən məsələ dekabrın 4-də İtaliyada keçiriləcək
referendumun nəticəsindən asılı olacaq.
Həmin vaxtı İtaliya konstitusiyasına dəyişiklik edilməsi ilə
bağlı referendum keçiriləcək. Əgər referendumda “Xeyr” üstünlük
təşkil edərsə, o zaman İtaliya da Avropa Birliyi üzvlüyündən çıxa
bilər. Çünki İtaliyada keçiriləcək 4 dekabr referendumunda
İtaliyanın indiki Baş naziri Matteo Renzinin hökumətdə
qalıb-qalmaması müəyyən olunacaq.
Avropa İttifaqına növbəti ZƏRBƏ
Böyük Britaniyadan sonra İtaliya da Avropa Birliyini tərk edə bilər.
ABŞ-da seçkilərin nəticəsi dəyişir - Tramp üçün
SÜRPRİZ
ABŞ-da Seçicilər Kollegiyasının altı nümayəndəsi Donald
Tramp üçün səs vermək niyyətində deyil.
Onların sözlərinə görə, demokrat Hillari Klintonun xeyrinə öz
seçimini dəyişdirəcəklər. Amma bu qərar seçkilərin yekun nəticəsinə
təsir etməyəcək, çünki Tramp rəqibi Klinton üzərində əhəmiyyətli
üstünlük əldə edib.
Miçiqan ştatında səslərin hesablanmasından sonra seçkilərin
yekun nəticəsi məlum olub. Son nəticələrə görə, Tramp 306, Klinton
isə 232 nümayəndənin səsini qazanıb.
ABŞ-da bir qrup professor və aktivist Demokratlar
Partiyasından prezidentliyə namizəd, sabiq dövlət katibi Hillari
Klintona müraciət ünvanlayıb. Donald Trampın
qələbəsini həzm edə bilməyən demokratlar səslərin yenidən sayılması
üçün çağırış ediblər. Onların fikrincə, seçkilərdə böyük
saxtakarlığa yol verilib.
“Nyu York Post” qəzetinin məlumatına görə, aktivistlər Rusiya
hakerlərinin seçkilərə müdaxilə etdiyini deyiblər. Belə ki,
Miçiqan, Pensilvaniya və Viskonsin ştatlarında elektron yolla
verilən səslər hakerlər tərəfindən Trampın xeyrinə dəyişdirilib. Bu
səbəbdən Klintonda sözügedən 3 ştatda səslərin yenidən hesablanması
üçün hərəkətə keçmək tövsiyə olunub.
Xatırladaq ki, seçkilərdən əvvəl xanım Klinton başda olmaqla
Demokrat Partiyasının bir neçə üzvü Rusiyanı kiber hücumda
günahlandırmışdı.
Ömər Dağlı
Xəbərin orijinal ünvanı: http://publika.az/news/nida/177223.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)
