Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

İsrail od tutub yanır - VİDEO - FOTO

İsrail od tutub yanır - VİDEO - FOTO

Date: 25 November 2016 10:12

İsraildə çox güclü meşə yanğınları səngimək bilmir.

Milli.Az Haaretz-ə istinadən bildirir ki, müxtəlif şəhərlərdə və yaşayış məntəqələrində on minlərlə insan təlxiyə olunub.

Ən ağır situasiya ölkənin üçüncü böyük şəhəri olan Hayfadadır.

Ölkədəki yanğınsöndürmə heyətləri yanğınla mübarizəyə cəlb olunub. Onlara İsrail Müdafiə Ordusunun (SAXAL) hərbçiləri, "Maqen David Adom" təcili yardım xidməti və "Keren Keamet le İsrael"in əməkdaşları yardım edirlər.

İlkin məlumatlara görə, yanğın nəticəsində xəsarət alanların sayı 123 nəfərə çatıb. Onların tam əksəriyyəti tüstüdən zəhərlənib.

Yanğını güclü külək daha da şiddətli edir.

Hakimiyyət dairələrinin fikrincə, yanğınların səbəbi siyasi motivlərlə meşəyə od vurulmasıdır.

Hazırda İsraildə yanğınla mübarizə üçün beynəlxalq koalisiya da yaradılıb. Koalisiyada Rusiya, Xorvatiya, Kipr, Türkiyə, Yunanıstan, Fransa və İtaliya ilə bahəm, Azərbaycanın da xüsusi təyyarəsi var.

İsraildə ən böyük meşə yanğını 2010-cu ildə olmuşdu. 42 nəfərin həlak olduğu həmin yanğın yalnız ABŞ-dan xüsusi yanğınsöndürən təyyarələr göndəriləndən sonra söndürülmüşdü.

Hazırda İsraildə 100 məkanda yanğın qeydə alınıb.

Ötən gecə Naseret, Beyt-Şemeş və Qüds yaxınlığında da yanğınlar başlanıb.

İsrailin baş naziri Binyamin Netanyahu, daxili təhlükəsizlik naziri Gilad Erdan, daxili işlər naziri Arye Deri və digər rəsmilər yanğınların qəsdən törədildiyini təsdiqləyiblər. Bir sıra şəhərlərin yaxınlığındakı meşəliklərdə benzinli əskilər və yanacaq kanistrləri tapılıb.

Arye Deri meşələrə od vuran şəxsləri İsrail vətəndaşlığından məhrum etməyi təklif edib. Nəqliyyat və kəşfiyyat naziri İsrail Kats isə belə həbslərin əmlakının tam müsadirəsini təklif edib.

İsrailli ekspertlər bu yanğınların terror aktı olduğunu deyirlər.

İsrailli metereoloq Naşum Yudoviç isə "Reşet Bet" dövlət radiostansiyasında bu səhər çıxış edərək deyib ki, noyabrın 30-dək ölkədə yağışlar olmayacaq.

Milli.Az
































Tags:  İsrail od tutub yanır VİDEO FOTO

RƏYLƏR


Top news