Aktual mövzular: Dollar alış-satışı , Hava, Məzənnə, Neftin qiyməti

Akif Çovdarovun cinayət işində zərərçəkmiş kimi tanınan şəxsin məhkəməsi təxirə salınıb

Akif Çovdarovun cinayət işində zərərçəkmiş kimi tanınan şəxsin məhkəməsi təxirə salınıb

Keçmiş MTN "agent"lərinin məhkəməsi başladı (16 Mart 2017 17:27)
Jurnalist Rasim Əliyevi öldürənlərin apelyasiya şikayəti təxirə salındı (15 Mart 2017 17:05)
Trampın Merkellə görüşü alınmadı (14 Mart 2017 14:43)

Tarix: 25 Noyabr 2016 11:07

Bakı. 25 noyabr. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən “Real MTK”nın təsisçisi və rəhbəri İlham Qasımovun cinayət işi üzrə məhkəmə iclası başa çatıb.
"Report"un məlumatına görə, hakim Zeynal Ağayevin sədrliyi ilə keçirilən prosesdə İ.Qasımovun vəkili müdafiə çıxışı edib.
O, hüquqlarını müdafiə etdiyi şəxs barəsində bəraət hökmünün çıxarılmasını istəyib.
İ.Qasımov müdafiəçisinin çıxışı ilə razı olduğunu deyib.
Təqsirləndirilən şəxsin digər vəkili prosesdə olmadığı üçün iclas qeyri-müəyyən günə qədər təxirə salınıb.
Xatırladaq ki, dövlət ittihamçısı çıxışında İ.Qasımovun 13 il müddətinə azadlıqdan məhrum edilməsini istəyib.
Qeyd edək ki, İ.Qasımov bu ilin iyununda Baş prokuror yanında Korrupsiyaya qarşı Mübarizə Baş İdarəsi əməkdaşları tərəfindən saxlanılıb. Onun barəsində Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə cinayət işi açılıb. Binəqədi Rayon Məhkəməsinin qərarı ilə İ.Qasımov barəsində həbs qətimkan tədbiri seçilib.
Daha sonra İ.Qasımov barəsində CM-nin 308.2-ci (vəzifə səlahiyyətlərindən sui istifadə) və 313-cü (vəzifə saxtakarlığı) maddələri ilə ittiham irəli sürülüb.
Məhkəmə prosesində zərərçəkmiş qismində şair Gülağa Tənha (Gülağa Qəmbərov) ifadə verib. O, İ.Qasımova 19,5 milyon dollar verdiyini deyib.
Xatırladaq ki, İ.Qasımovun adı ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun cinayət işi üzrə zərərçəkmiş qismində keçir.

Teqlər:  Akif Çovdarovun cinayət işində zərərçəkmiş tanınan şəxsin məhkəməsi təxirə salınıb



RƏYLƏR


Top xəbərlər