Xalq artisti Flora Kərimova xaricdə yaşayan övladlarından danışıb.
Axşam.az-ın məlumatına görə, müğənni “ARB TV”də yayımlanan “Evgördü” verilişində nəvələrinin ondan uzaqda böyüdüyünü deyib. Kövrələn ifaçı bildirib ki, həsrət çəkir:
“Oğlum Almaniya, qızım isə İngiltərədə yaşayır. Oğlumun yanına 1 dəfə getmişəm. Qızım isə artıq 9 ildir oradadır, heç yanına getməmişəm. Çox darıxıram, nəvələrim mənsiz böyüyür. Övladlarım mənsiz yaşlanır. Hər gün telefon vasitəsilə onlarla əlaqə saxlayıram. Ürəyimdə bir övlad, bir də torpağımın niskili var”.