Türkiyədə vəziyyəti pisləşdiyi üçün xəstəxanaya aparılan 9 yaşlı qız orada dünyasını dəyişib.
Milli.Az "Haberler"ə istinadla bildirir ki, İzmirdə 9 yaşlı Y.K. xəstəxanada həyatını itirib. Aparılan araşdırmalar nəticəsində məlum olub ki, qız ölümündən 4 ay əvvəl təcavüzə uğrayıb.
Hadisə İzmirin Bornova mahalındakı evdə yaşanıb. Y.K. rəfiqəsi ilə oynamaq üçün onların evinə gedib. Evdə qızın babası da olub. O, rəfiqəsi ilə oynayarkən aralarında inciklik yaranıb və onlar küsüblər. Fürsətdən istifadə edən 56 yaşlı baba Y.K.-nı nəvəsinin otağına aparıb. O, boş otaqda qızı zorlayıb. Kişinin əlindən qurtulan qız qaçaraq evə gəlib. Uşaq başına gələnləri heç kimə danışa bilməyib.
Valideynlərinin dediyinə görə, uşaq həmin hadisədən sonra məktəbə getməyib və davranışları dəyişib. Ötən gün evdə ürəyi gedən qız xəstəxanaya aparılıb. O, xəstəxanada həyatını itirib.
Qeyd edək ki, yetərli sübut olmadığına görə 56 yaşlı kişi hələ də azadlıqdadır. Araşdırma aparılır.
Milli.Az 
