Aktual mövzular: Dollar alış-satışı , Hava, Məzənnə, Neftin qiyməti

Bakıda avarçəkmə yarışları üçün kanalın tikintisinə maliyyə ayrılmasına dair razılıq əldə olunub

Bakıda avarçəkmə yarışları üçün kanalın tikintisinə maliyyə ayrılmasına dair razılıq əldə olunub

BVF Ukraynaya daha 1 mlrd. dollar ayırır (05 Mart 2017 01:59)
ABŞ Kiyevə letal silahlar verə bilər (03 Mart 2017 05:39)
Dünya Bankı TANAP üçün nəzərdə tutulan kreditin ilk tranşını "Cənub Qaz Dəhlizi" QSC-yə təqdim edib (24 Fevral 2017 14:47)

Tarix: 25 Noyabr 2016 13:32

Bakı. 25 noyabr. REPORT.AZ/ "Azərbaycanla uzun müddətdir dostluq münasibətlərimiz var. "Bakı-2015" I Avropa Oyunlarında da iştirak etmişəm. O zaman Oyunların Koordinasiya Komissiyasının üzvü olmuşam. Oyunlar zamanı Mingəçevirdə təşkil olunan kayak və kanoe yarışları da çox uğurla keçib". 
"Report"un məlumatına görə, bunu jurnalistlərə açıqlamasında Bakıda keçirilən Beynəlxalq Kanoe Federasiyasının XXXVI Konqresinə qatılan Avropa Kanoe Assosiasiyasının prezidenti Albert Vuds deyib.
Konqresin yüksək səviyyədə təşkil olunduğunu bildirən A.Vuds Azərbaycanda avarçəkmə növlərinin inkişafına böyük diqqətin göstərildiyini vurğulayıb: "Azərbaycan hökuməti, Gənclər və İdman Nazirliyi, eləcə də Azərbaycan Milli Avarçəkmə Federasiyasının dəstəyi böyük təqdirə layiqdir. Bakıda Azərbaycan Prezidenti cənab İlham Əliyev bizi qəbul etdi. Dövlət başçısı paytaxtda da kanoe yarışları üçün kanalın yaradılmasının maliyyələşdirilməsinə xüsusi diqqət və önəm verir. Bu, bizim üçün xoş xəbərdir və öz kompetensiyamız daxilində yaymağa çalışacağıq. Azərbaycanın dövlət başçısı, Milli Olimpiya Komitəsinin prezidenti İlham Əliyev, gənclər və idman naziri Azad Rəhimov kanoe növlərinə və ümumilikdə idmana böyük diqqət ayrır, dəstək verirlər. Bu da bizim üçün çox sevindirici haldır".
Qeyd edək ki, Mingəçevirdə "Kür" Olimpiya Tədris-İdman Mərkəzi fəaliyyət göstərsə də, Bakıda avarçəkənlərin hazırlıq keçməsi üçün belə imkan yoxdur. 

Teqlər:  Bakıda avarçəkmə yarışları kanalın tikintisinə maliyyə ayrılmasına razılıq əldə olunub



RƏYLƏR


Top xəbərlər