Savaş başlandı: Türkiyə Avropaya qarşı yeni cəbhə açır

Savaş başlandı: Türkiyə Avropaya qarşı yeni cəbhə açır
15:13 25 Noyabr 2016
200 Digər
Ölkə mətbuatı
A- A+

Avropa Parlamenti Türkiyənin Avropa İttifaqı ilə apardığı müzakirələrin müvəqqəti olaraq dondurulmasını tövsiyə edən qərar qəbul edib.

Publika.az
xəbər verir ki, Avropa Komissiyası və Avropa İttifaqı ölkələrinin bu qərara münasibəti son nəticəni müəyyən edəcək.

Türkiyəyə qarşı bu qərarın qəbul edilməsinin arxasında iki səbəbin dayandığı aydın görünür.

Birinci: Avropa Parlamenti ilk səbəbi açıq şəkildə dilə gətirdi; PKK-nı dəstəkləyən HDP millət vəkillərinin həbsdən buraxılması və terrorçuluqla mübarizə ilə bağlı qanunun yumlaşdılması.

Ankarada fəaliyyət göstərən Qafqaz Strateji Araşdırmalar Mərkəzinin (KAFKASSAM) rəhbəri, türkiyəli politoloq Hasan Oktay Publika.az-a açıqlamasında bildirib ki, Avropa Parlamenti Türkiyəyə qarşı qərar qəbul etmək üçün bu iki məsələni dövriyyəyə saldı: “Əslində, bununla Avropa İttifaqı bütövlükdə terrora dəstək verdiyini ortaya qoydu. Birliyə daxil etmək istədikləri bir ölkəyə qarşı terror törədənləri və bu terroru dəstəkləyənləri qoruyaraq, qərar qəbul etmək Avropa İttifaqını çətin vəziyyətə saldı. Bununla etibarlarını itirdilər, həmçinin, terroru dəstəkləyən qurum vəziyyətinə düşdülər”.

Terrorçuluqla mübarizə üzrə türkiyəli mütəxəssis Emrah Kaya isə Avropanın PKK-ya və bu terror təşkilatını dəstəkləyən partiyaya qarşı Türkiyənin yumşaq davranmasını istəməsinin səbəblərini Publika.az-a şərh edib.

“İlk olaraq, İŞİD ortaya çıxandan sonra, Avropada separatçı kürdlərin İŞİD-ə qarşı mübarizə apardığı görüntüsü yaradılıb. Buna görə də Avropa separatçı kürdləri qorumağa çalışır. İkincisi, Türkiyənin uzun illərdir mübarizə apardığı PKK-nın Avropa tərəfindən dəstəklənməsidir. Terrorçuların başçısı Abdullah Öcalan da ifadəsində PKK-nın Avropadan açıq dəstək gördüyünü demişdi. Türkiyənin terroru məhv etmək siyasəti Avropanın planlarına zərər verir. Üçüncüsü, Avropa HDP üzərindən türk siyasətini parçalamaq planlarını rahat şəkildə həyata keçirir və Türkiyənin daxili məsələlərinə müdaxilə edirdi. PKK və HDP-nin sıradan çıxarılması Avropanın Türkiyəyə uzanan əllərinin məhv edilməsidir. Son olaraq, Avropanın görmək istədiyi Türkiyə amili var. Avropa Türkiyənin güclü ölkə yox, daim terrorla mübarizə aparan ölkə olmasını istəyir. Bu, Türkiyənin daim Avropaya bağlı olaraq qalmasını təmin edə bilər”, - deyə o bildirib.

E.Kaya vurğulayıb ki, Avropanın Türkiyənin terrorla mübarizədə yumşaq davranmasını istəməsinin arxasındakı səbəblər bunlardır: “Avropa üçün əsas olan öz maraqlarıdır, Türkiyə deyil. Burada da ikiüzlü siyasət var. Avropa “İŞİD-i vuran, amma PKK/PYD-ni vurmayan, bölünməyə razı olan bir Türkiyə” istəyir. Buna görə də Türkiyəyə təzyiqlər edir”.

İkinci: Türkiyənin Avropanın istəyinə uyğun ölkə olmaq istəməməsi.

PKK-nı və onu dəstəkləyən HDP-ni sıradan çıxaran Türkiyə 15 iyul dövlət çevrilişindən sonra FETÖ-nün təmizlənməsini sürətləndirdi. Bu, faktiki olaraq Qərbin “Ankara kulislərinə” yerləşdirdiyi “casus”ların de-şifrə edilməsi əməliyyatıdır. Bununla yanaşı, indiyə qədər Ankara Avropa İttifaqına üzv olmaq üçün dəridən-qabıqdan çıxsa da, hazırda yönünü dəyişdirərək, Şərqə doğru açılır. Rusiya ilə yaxınlaşmaq və Şanxay Əməkdaşlıq Təşkilatına (ŞƏT) üzv olmaq. Bu addım Avropa İttifaqının “Türkiyə siyasəti”ni iflasa uğradır. Belə demək mümkünsə, “tələ quranlar özləri tələyə düşür”.

Hasan Oktay Avropa İttifaqının son dövrlər Türkiyəyə qarşı siyasətini dəyişdirməsinə və sərtləşdirməsinə diqqət çəkərək, Türkiyə-Aİ münasibətlərinin artıq tükəndiyini deyib: “50 illik enişli-yoxuşlu münasibətlərdən hər iki tərəf yorulub və bir-birilərinə olan etibar itib”.

Türkiyəli politoloq Avropa İttifaqının Türkiyəyə qarşı sərt siyasətinin hələ Ukrayna böhranından başladığını bildirib.

“Türkiyə Avropa İttifaqı ilə Rusiyanın Ukrayna savaşında tərəfsiz qaldı. Bu, Rusiyanın xeyrinə idi. Bundan sonra Avropa İttifaqında Türkiyə ilə bağlı mənfi fikirlər yarandı. ABŞ və Avropa İttifaqı Ukrayna məsələsində son dərəcədə həssas davransa da, Türkiyənin mövqeyi fərqli idi və onlar buna görə Ankaranı cəzalandırmaq istəyirlər. Ukraynada Rusiya ilə mübarizədə uğur qazana bilmədilər. Daha sonra Rusiyanı İran vasitəsilə Suriyaya dəvət etdilər. İranın bu addımı atmasının səbəbi həm müttəfiqi Əsədi dəstəkləmək, həm də üzləşdiyi sanksiyalardan xilas olmaq idi. Suriyaya gələn Rusiya bölgədə Türkiyə ilə qarşı-qarşıya qoyuldu. 24 noyabr 2015-ci il tarixində Rusiya təyyarəsinin vurulması ilə Rusiya və Türkiyə müharibənin kandarına qədər gətirildi. Bu, ABŞ-Avropa İttifaqı-İran müttəfiqliyinin böyük uğuru idi. Ötən il baş verənləri nəzərdən keçirdikdə, bu proses daha aydın görünür”, - deyə politoloq qeyd edib.

H.Oktay vurğulayıb ki, iyun ayında Türkiyə-Rusiya-İsrail yaxınlaşması başlayan zaman ABŞ-Avropa İttifaqı-İran müttəfiqliyi təşviş içində Türkiyədə 15 iyul dövlət çevrilişi planını dövriyyəyə saldılar: “17 iyulda isə Ermənistanda Rusiyaya qarşı eyni plan işə düşdü. Lakin hər iki üsyan yatırıldı. Türkiyə və Rusiyaya qarşı bütün planları alt-üst olan ABŞ-Avropa İttifaqı-İranmüttəfiqliyi başqa yollar axtarmağa başladı. ABŞ-dakı seçkilər çox vacib idi və Hillari Klintonun seçilməsi üzərində plan quruldu. Lakin bu da baş tutmayanda, Avropa İttifaqı hərəkətə keçərək, 15 iyuldan sonra baş verənləri bəhanə edərək, Türkiyəyə qarşı belə qərar qəbul etdi. Bu qərar Türkiyənin ŞƏT-ə üzv olmasına görə yox, lap əvvəldən Ukrayna məsələsində tutduğu mövqedən irəli gəlir”.

Türkiyəli politoloq hesab edir ki, Türkiyə Avropa İttifaqından vaz keçməyəcək, lakin regional ittifaqlara da açıq olacaq.

“Türkiyə və Rusiya münasibətlərini inkişaf etdirərək, regional güc yaratmalıdırlar”, - deyə H. Oktay vurğulayıb.

***

Avropa İttifaqının Türkiyəyə qarşı atdığı addımlara ABŞ-dan hansı reaksiya veriləcəyi də maraqlıdır. Hazırda getməyə hazırlaşan Obamanın “Topal Ördək” olaraq nəsə etməsi ciddi nəticə verməyəcək. Əsas olan Ağ Evə köçməyə hazırlaşan Donald Trampın mövqeyidir. Tramp lap əvvəldən Türkiyə və Rusiya ilə münasibətlərə xüsusi önəm verdiyini açıqlayıb.

Bu baxımdan, Avropa İttifaqının Türkiyəyə qarşı siyasətində “təcili addım” amili açıq görünür. Hesab etmək olar ki, Brüssel Trampın prezident səlahiyyətlərinə başlamasına qədər planlarını həyata keçirmək niyyətindədir. Lakin o da açıq görünür ki, hazırda Avropa İttifaqı təklənmiş vəziyyətdədir. Birlik daxilində qarşıdurmanın olması onun təsir imkanlarını zəiflədir. Bu isə Türkiyənin əlini gücləndirəcək.

ABŞ-ın dəstəyini alan, yaxud ən azından Vaşinqtonun neytrallığından istifadə edən Türkiyə Avropaya qarşı hansı addımları ata bilər?

1. “Sərhədləri açarıq”, - deyən Türkiyə prezidenti Rəcəb Tayyip Ərdoğan ilk siqnalı verdi. Bu, Türkiyənin Avropaya ən böyük zərbəsi ola bilər. Avropadakı daxili qarşıdurmanın əsas səbəbi və başlanğıc nöqtəsi miqrant məsələsi oldu. Türkiyənin sərhədləri açaraq, miqrantları Avropaya göndərməsi isə Qitənin çökməsinə gətirib çıxara bilər.
Türkiyə sərhədləri açarsa: Böyük Britaniyadan sonra Avropa İttifaqı yeni “exit”lərlə qarşılaşacaq. (Artıq İtaliya öz niyyətini açıqlayıb); miqrantların axını bütün Qitədə iqtisadi və ictimai vəziyyətə ciddi təsir edəcək; bu vəziyyət radikal sağçıların əlini gücləndirəcək və onların hakimiyyətə gəlməsini təmin edəcək; Radikal Avropa parçalanacaq.
Bu, Trampla başlanan “Yeni Amerikaya” sərfəli görünür. Əslində, yeni Amerika prezidenti bunu açıq şəkildə dilə gətirir. Belə görünür ki, Türkiyə və Rusiya ilə yaxınlaşan Tramp Avropanın çökməsinə ən yaxşı halda tamaşa edəcək.

2. Türkiyənin Avropa İttifaqına üzv olmasının referenduma çıxarılması. “Trexit” adlanan bu məsələ artıq gündəmə gəlib. Son rəy sorğularında Türkiyə xalqının 68 faizi “Avropa İttifaqına üzv olaq?” sualına “Xeyir” cavabını verib. Beləliklə, Türkiyənin Şərq açılımı daha da güclənəcək.

3. Türkiyə artıq ŞƏT-lə danışıqlara başlayıb. Avropaya cavab olaraq, bu proses sürətlənəcək. Nəticədə, Ankaranın Şanxay Əməkdaşlıq Təşkilatına üzv olması gözləniləndir. Bu, Qərb qarşısında daha güclü Şərqin dayanması deməkdir.

Asif Nərimanlı

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün

Ermənistandakı seçki saxtakarlıqları İFŞA EDİLDİ

29 Mart 2017 17:47

Xocalı soyqırımı ilə bağlı RF Dövlət Dumasına ünvanlanmış petisiyaya siz də QOŞULUN

29 Mart 2017 17:47

Bahar Muradova: "Beynəlxalq təşkilatlar yekdil mövqe nümayiş etdirməlidir"

29 Mart 2017 17:47

Fransua Fillonun yoldaşı Fenelope rəsmi olaraq

29 Mart 2017 17:45

Beynimizə istədiyimiz məlumatı yükləmək mümkün olacaq

29 Mart 2017 17:44

"Azərbaycanlı futbolçular ilinə 600-700 min avro qazanırlar"

29 Mart 2017 17:42

Türkiyə məşhur terrorçunu tutdu - FOTO

29 Mart 2017 17:42

- Bu axşamdan Bakıda bəzi yollar bağlanacaq

29 Mart 2017 17:41

"Minlərlə insanın əmanətini niyə 1 ildən çox həbs altında saxlamalıyıq?" - SƏDR

29 Mart 2017 17:39

Britaniya nəşri: "Azərbaycanla münasibətləri daha da inkişaf etdirmək lazımdır"

29 Mart 2017 17:37

​“Xoşbəxt olsun bəylə gəlin”, “Qudam, ay qudam...”

29 Mart 2017 17:37

Dünyada hər beşinci mobil telefon saxtadır

29 Mart 2017 17:35

"Sərnişindaşıma sistemində çətinliklər var" - Baş direktor

29 Mart 2017 17:34

Amil Xəlildən Nəsib bəy və Yusif bəy haqqında eksklüziv ARAŞDIRMA

29 Mart 2017 17:33

Prezidentin Paris səfəri: müstəqil siyasətə dayanan qətiyyətli mövqe

29 Mart 2017 17:32

Bakıda avtobusda 20 yaşlı qıza qarşı CİNAYƏT

29 Mart 2017 17:29

Rusiya ordusunun sayı 1,9 milyon nəfərə çatdırılıdı

29 Mart 2017 17:29

"Neftçi" - "Qarabağ" matçını kim idarə edəcək?

29 Mart 2017 17:27

"Barselona"da Arda Turan şoku

29 Mart 2017 17:27

Səfirlikdən iranlı musiqiçinin Dağlıq Qarabağda verdiyi konsertə MÜNASİBƏT

29 Mart 2017 17:24

Rusiyanın Avropa Məhkəməsindəki nümayəndəsi vəzifəsindən azad edildi

29 Mart 2017 17:22

Fikrət Qocadan Elza Seyidcahana SƏRT REAKSİYA: "Utanıb, xəcalət çəksin"

29 Mart 2017 17:17

Dolların sabaha olan MƏZƏNNƏSİ

29 Mart 2017 17:14

Fransanın nüfuzlu qəzeti Ermənistanı ifşa etdi

29 Mart 2017 17:13

Manatın sabaha MƏZƏNNƏSİ

29 Mart 2017 17:12

"Ciddi tədbirlər görüləcək" - Bakı Nəqliyyat Agentliyi

29 Mart 2017 17:12

Manatın sabaha olan məzənnəsi açıqlandı

29 Mart 2017 17:11

Şəkili polisin rəisi ilə söhbəti izlənmə rekordu qırır - Cinayətkarı belə yaxaladı - VİDEO

29 Mart 2017 17:08

Ginnesin Rekordlar Kitabına düşən əsgər öldü: Ordu Sarkisyana qarşı etiraza qalxdı

29 Mart 2017 17:08

Bakıda yol polisi sürücülük vəsiqəsini deşik-deşik etdi - FOTO

29 Mart 2017 17:05

Qafqaz Müsəlmanları İdarəsindən dünya ictimaiyyətinə MÜRACİƏT

29 Mart 2017 17:05

DİQQƏT: bu müğənnilər virus daşıyıcılarıdır

29 Mart 2017 17:01

Bu axşam bəzi yollarda hərəkət məhdudlaşır

29 Mart 2017 16:58

Vahid taksi sistemi yaradıla bilər - TƏKLİF

29 Mart 2017 16:57

31 mart soyqırımı Ermənistanın azərbaycanlılara qarşı etnik təmizləmə siyasətinin ən qanlı səhifəsidir

29 Mart 2017 16:57

"Novruz festivalına bəzi günlərdə 50-60 min nəfər insan qatılıb"

29 Mart 2017 16:57

Livanın 82 yaşlı prezidenti yerə yapışdı - VİDEO

29 Mart 2017 16:53

Türkiyədəki qiyamın təşkilatçısı ABŞ konsulluğu ilə təmasda olub

29 Mart 2017 16:52

Bakı metrosunda bədbəxt hadisə

29 Mart 2017 16:51

Gec ana olmağın FAYDALARI

29 Mart 2017 16:48

Türkiyədə terror XƏBƏRDARLIĞI

29 Mart 2017 16:47

Bakıda bütün avtobuslar kart sisteminə keçəcək - Müddət açıqlandı

29 Mart 2017 16:47

Çoxmərtəbəli binada yanğın

29 Mart 2017 16:44

Nigar Camalın Londondakı evi - VİDEO

29 Mart 2017 16:42

Kişi və qızlara milyonlar xərcləyən, ərinin yanında başqaları ilə oturub-duran YƏHUDİ QIZI

29 Mart 2017 16:38

Bu gündən Bakıda "Oyunlar zolağı"nın çəkilişinə başlanılır - Yollar bağlanacaq

29 Mart 2017 16:37

Bakı Ali Neft Məktəbində “Elektron hökumət” mövzusunda seminar keçirilib

29 Mart 2017 16:35

Bu axşam “Oyunlar zolağı”nın çəkilişinə başlanılır - Sürücülər, diqqət!

29 Mart 2017 16:34

General yol polisinin rəisi vəzifəsindən AZAD EDİLDİ - FƏRMAN

29 Mart 2017 16:33

Ermənilər üç azərbaycanlını avtomobildə yandırdı - Sən demə, arvadının oynaşı... DƏHŞƏTLİ FAKT

29 Mart 2017 16:33