Bakı. 25 noyabr. REPORT.AZ/ Qırğızıstanda Konstitusiyaya əlavə və dəyişikliklər üzrə keçiriləcək referendumla əlaqədar adıçəkilən ölkənin Azərbaycandakı səfirliyində seçki məntəqəsi açılacaq.
Qırğızıstanın Azərbaycandakı səfirliyindən "Report"a verilən məlumata görə, məntəqə dekabrın 11-də səhər saat 8-dən axşam saat 8-ə qədər açıq olacaq.
Səfirlikdən bildiriblər ki, diplomatik missiyanın konsulluq qeydiyyatında təqribən 40 Qırğızıstan vətəndaşı var. Eyni zamanda, müvəqqəti əsasda Azərbaycanda yaşayan Qırğızıstan vətəndaşları da səs verəcəklər.
