Aktual mövzular: Dollar alış-satışı , Hava haqqında, Məzənnə, Neftin qiyməti

İLGİNC OLAY: Zəlzələ okeanın dibini qurutdu - VİDEO

İLGİNC OLAY: Zəlzələ okeanın dibini qurutdu - VİDEO

Date: 25 November 2016 21:43

Yeni Zelandiyada noyabrın 13-ü güclü yeraltı təkanlar 24 saatdan artıq müddətdə davam edib.

Publika.az xəbər verir ki, zəlzələnin episentri Kraystçerç şəhərinin şimal-şərqində olub.

Rixter cədvəli üzrə 7,8 bal gücündə olan ən güclü zəlzələ isə Kaikour şəhərində noyabrın 14-ü 180 kilometr dərinlikdə baş verib.

Yeraltı təkanların nəticələrindən biri Kaikour yaxınlığında tektonik plitələrin ciddi yerdəyişməsi olub: Yerdəyişmə zamanı okean dibinin bir hissəsi dəniz səviyyəsindən yuxarıda qalıb və Papatea körfəzinin bir hissəsini okeandan ayırıb.

Ümumilikdə sahil xətti orta hesabla iki metr, bəzi yerlərdə isə beş metrə qədər hündürlüyə qalxıb. Buna səbəb isə tektonik piltələrin horizantal deyil, bucaq altında qalxması olub. Qəfildən quruya çevrilən okean dibində yosun, ölmüş balıqlar və xərçənglər qalıb.

Qeyd edək ki, daha əvvəl Kraystçerçdə Yeni Zelandiyada tarixində ən güclü zəlzələlərdən biri baş verib. Həmin vaxt 185 nəfər təbii fəlakətin qurbanı olmuşdu. Bu dəfə yeraltı təkanların gücü daha güclü olub, lakin episentrin insanların az məskunlaşdığı yerdə olması insan tələfatının daha az olması ilə nəticələnib. Bu dəfəki zəlzələ nəticəsində iki nəfər ölüb, onlarla insana xəsarət dəyib. (azvision.az)


Tags:  İLGİNC OLAY Zəlzələ okeanın dibini qurutdu VİDEO


RƏYLƏR


Top news