HP şirkəti 2016-cı maliyyə ilinin dördüncü rübü və ümumilikdə bütün il üzrə hesabatını dərc edib.
Milli.Az lent.az-a istinadən xəbər verir ki, HP şirkəti üçün il oktyabr ayında yekunlaşıb.
HP-nin rüblük gəlirləri 12,5 milyard dollar təşkil edib ki, bu da bir il öncəkindən 2 faiz çoxdur. Ötən il şirkətin gəlirləri 12,3 milyard dollar olub.
Hesabatda qeyd edilir ki, bir rüb ərzində şirkətin əməliyyat gəlirləri 0,5 milyard dollar təşkil edib. Bu isə ötən ilki - 1,5 milyard dollara bərabər olan göstəricidən 66 faiz azdır.
Ümumilikdə il ərzində HP-nin gəlirləri 48,2 milyard dollar olub. Bu göstərici 2015-ci maliyyə ilinin 51,5 milyard dollara bərabər olan gəlirlərindən 6 faiz azdır. Şirkətin bir il ərzində xalis mənfəəti 2,7 milyard dollar təşkil edib ki, bu da ötən ilki 3,7 milyard dollarlıq göstərici ilə müqayisədə 28 faiz azdır.
Milli.Az
