Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Azarkeş UEFA-nı və hakimi məhkəməyə verib

Azarkeş UEFA-nı və hakimi məhkəməyə verib

Date: 26 November 2016 14:57

İspaniyanın "Atletiko" klubunun azarkeşi Joze Antonio Kampon ingiltərəli hakim Mark Klattenburq və UEFA-dan şikayət edib. 

Milli.Az Report-a istinadən xəbər verir ki, o, şikayət ərizəsində Çempionlar Liqasında "Atletiko" və "Real Madrid" klubları arasında keçirilmiş final qarşılaşmasında rəqib komandanın müdafiəçisi Serxio Ramosun vurduğu qolun offsayd olduğunu bildirib. "Atletiko" klubunun azarkeşi 160 avronun bilet pulu, 1500 avronun isə ona dəymiş mənəvi zərər olduğunu qeyd edərək 1660 avro təzminat ödənilməsini istəyib. 

Qeyd edək ki, bu il mayın 28-də İtaliyanın Milan şəhərində keçirilmiş Çempionlar Liqasının final matçında "Real Madrid" klubunun futbolçusu Serxio Ramos 15-ci dəqqiqədə hesabı açıb. 79-cu dəqiqədə isə "Atletiko" komandasının oyunçusu Yannik Karraskonun vurduğu qolla hesabda bərabərlik yaranıb. Penaltilər seriyasında isə "kral klubu" 5:3 hesabı ilə qalib gələrək kuboka sahib olub.

Milli.Az


Tags:  Azarkeş UEFA-nı hakimi məhkəməyə verib


RƏYLƏR


Top news