Aktual mövzular: Dollar alış-satışı , Hava haqqında, Məzənnə, Neftin qiyməti

Özcan Dəniz Bakıda nəyə əsəbiləşdi? – Mətbuat konfransı ləğv edildi - FOTO

Özcan Dəniz Bakıda nəyə əsəbiləşdi? – Mətbuat konfransı ləğv edildi - FOTO

Date: 27 November 2016 00:08

Baş rollarda türkiyəli tanınmış sənətçilər Özcan Dəniz və Nurgül Yeşilçayın yer aldığı "İkinci şans" filminin Bakıdakı qala gecəsi izdihamlı keçib.

Publika.az xəbər verir ki, filmi pərəstişkarları ilə birlikdə izləyən məşhurlar sonra səhnəyə çıxaraq sevənlərinə səsləniblər. Gül yağışına tutulan Özcan Dəniz və Nurgül Yeşilçay hər Bakı səfərində sevənləri tərəfindən çoxlu gül hədiyyə aldıqlarını söyləyiblər. Özcan Dəniz filmsevərləri "İkinci şans"a baxmağa dəvət edib: "Dostlar hər birinizə gözəl güllər üçün təşəkkür edirik. Nurgül hədiyyəyə görə məni qısqanır... Siz çox kübarsınız. Buradan hər dəfə çiçəklərlə, hədiyyələrlə gedirik. Həqiqətən də evimiz Bakıdan apardığımız hədiyyələrlə doludur. Film sizə əmanətdir. Buradan çıxan kimi "twitter"də yazırsınız ki, hər kəs "İkinci şans" filmini izləsin".

Qeyd edək ki, film təqdimatından sonra ənənəvi olaraq keçirilən mətbuat konfransı ləğv edilib. Buna səbəb Özcan Dənizə hava limanında mətbuat nümayəndəsinin ondan 19 yaş kiçik aktrisa Afra Saraçoğlu ilə sevgili olub-olmaması ilə bağlı sual olub.

Qeyd edək ki, Afra Saraçoğlu "İkinci şans" filmində "Çiçək" obrazını canlandırıb. Film romantik dram janrında çəkilib. Filmdə Özcan Dəniz, Nurgül Yeşilçay, Mesut Can Tomay, Afra Saraçoğlu və başqaları çəkilib.

Cəvahir







Tags:  Özcan Dəniz Bakıda nəyə əsəbiləşdi Mətbuat konfransı ləğv edildi FOTO

RƏYLƏR


Top news