Aktual mövzular: Dollar alış-satışı , Hava haqqında, Məzənnə, Neftin qiyməti

Sulama

Sulama

Date: 28 November 2016 07:05

Milli.Az yunan mətbəxindən sulamanın hazırlanma qaydasını təqdim edir

Tərkibi: 

1 toyuq 
2 l su
1 limon
1 baş soğan
3 iri yuxa
kərə yağı

plov: 

1 baş soğan 
2 x.q. su
4 x.q. kərə yağı
2 st. düyü
1/4 st. fıstıq
1/4 st. quşüzümü
duz
istiot
1 ədəd qənd
2 st. su
1 st. toyuq bulyonu
darçın 

Toyuğu dərin qazana qoyub üzərinə 2 l su tökün. Limonu və soğanı ortadan bölüb əlavə edin. Toyuq yumşalanacan iti odda bişirin, sonra isə ocağı azaldın. 

Toyuq bişən müddətdə plovu hazırlayın: xırda doğranmış soğanı 2 x.q. su ilə vam odda bişirin. Suyu azaldıqdan sonra 4 x.q. kərə yağı əlavə edin. Yağ əridikdə fıstıqları əlavə edin. Azca qızaranda yuyulub suyu süzülmüş düyünü qatın. Qarışdıraraq qovurun. Quşüzümü, duz, istiot, 1 qənd parçası, 1 st. su, 2 st. bulyon əlavə edin. Əvvəl iti, sonra vam odda bişirin. Plovu ocaqdan götürdükdən sonra ortasında balaca çuxur açıb fındıq boyda kərə yağı qoyun. Düyünü üzərinə örtüb darçın səpin. Qazanın qapağını örtüb dəmləyin. 

Bişmiş toyuğun dərisi ilə sümüyünü ayırın. Ətini xırda didib plovla qarışdırın. 
Düzbucaqlı hündür formanı yağlayın, yuxanı kənarları qırağa çıxmaqla içinə yerləşdirin. Bir yuxanın yarısını da dibinə qoyun. Yuxaların üzərinə qaynar toyuq bulyonu gəzdirin. Bir qat toyuqlu plov döşəyin. Yarım yuxanı üstünə çəkin, əridilmiş kərə yağı, toyuq bulyonu gəzdirib yenə plov döşəyin. Plov, yuxa, toyuq bulyonu bitənədək proseduru təkrarlayın. 

Ən yuxarı qatda yuxa olmalıdır. Qabın kənarına çıxardığınız yuxaları üzərinə qatlayın. Ərinmiş kərə yağı və bulyon gəzdirin. Bir gün soyuducuda saxlayın. Sabahı gün istədiyiniz ölçüdə dilimlər kəsin. 180 dərəcə qızdırılmış sobada üzəri qızaranadək bişirin. 

Nuş olsun!

resept: "Sofra" dərgisi

Digər maraqlı reseptlər üçün Facebook səhifəmizə üzv olun.

Milli.Az


Tags:  Sulama

RƏYLƏR


Top news