Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Mübariz Qurbanlı Azərbaycanda "Şeyxülislam" mükafatının təsis olunmasına münasibət bildirib

Mübariz Qurbanlı Azərbaycanda "Şeyxülislam" mükafatının təsis olunmasına münasibət bildirib

Date: 28 November 2016 10:42

Bakı. 28 noyabr. REPORT.AZ/ Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanda "Şeyxülislam" mükafatının təsis olunması ilə bağlı təklifə münasibət bildirib. 
"Report"un məlumatına görə, M.Qurbanlı deyib ki, Qafqaz Müsəlmanları İdarəsinin sədri şeyxülislam Allahşükür Paşazadənin təklifi dini sahədən yazan jurnalistlərin mükafatlandırılmasını nəzərdə tutur. 
O qeyd edib ki, "Şeyxülislam" mükafatının təsis olunmasına, dini mövzuda seminar keçirilməsinə etiraz edənlər ya ateistdirlər, ya da tam olaraq hansı dinə mənsub olduqlarına qərar verə bilməyiblər: "Şeyxülislam" mükafatı Allahşükür Paşazadə mükafatı deyil. Şeyxülislam başqa adamlar da olacaq. Bu mükafat o zaman da veriləcək".
Dövlət Komitəsinin sədri vurğulayıb ki, Azərbaycan çox həssas bölgədə yerləşir: "Rusiyada dini mövzuda yazan jurnalistlərin gildiyası yaradılıb və dini həssaslıq, dini vəziyyət nəzərə alınır. Azərbaycan da həssas bir bölgədə, İslamla xristianlığın təmas nöqtəsində yerləşir. Bizdən bütün məsələlərdən - etnik, dini məsələlərdə yazanda diqqətli olmalıyıq. Milli maraqlarımıza zidd olmayan mövqe seçməliyik".


Tags:  Mübariz Qurbanlı Azərbaycanda Şeyxülislam mükafatının təsis olunmasına münasibət bildirib

RƏYLƏR


Top news