Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

MTRŞ: "Regionlarda 20 000 dekoder lazım ola bilər"

MTRŞ: "Regionlarda 20 000 dekoder lazım ola bilər"

Date: 28 November 2016 14:57

30 rayonda aparılan sorğunun nəticələrinə görə rayon əhalisinin 7,4%-i yerüstü TV yayımını izləyir. Təxmini hesablamalara əsasən rayonlarda 1 mln-dan bir qədər artıq televizor var. Onların 7,4%-i, 74 000-i yerüstü yayım üçün istifadə olunur. Belə çıxır ki, rayonlarda dekabrın 20-nə qədər təxminən 20 000 dekoder lazım ola bilər.

Milli.Az xəbər verir ki, bunu APA-ya Milli Televiziya və Radio Şurasının (MTRŞ) Texniki nəzarət şöbəsinin müdiri, professor İsa Məmmədov deyib.

Dekabrın 1-dən başlayaraq əvvəlcə 8 şimal rayonunda analoq yayımın dayandırılacağını xatırladan şöbə müdiri bildirib ki, rayonlarda ümumilikdə 300-dən çox TV vericisi söndürüləcək.
 
"Dəqiq hesablamaq çətin olsa da, rayonlarda analoq yayımının dayandırılması ilə ölkənin elektrik şəbəkəsindən təxminən 1,5 meqavat yükün azalacağını təxmin etmək mümkündür", - deyə İ.Məmmədov qeyd edib.
 
Qeyd edək ki, regionlarda analoq yayımın dayandırılması 3 mərhələdə həyata keçiriləcək. Analoq yayımın I mərhələdə - 1 dekabr 2016-cı il tarixdən Şamaxı, Qobustan, Siyəzən, Şabran, Xızı, Quba, Qusar, Xaçmazda, II mərhələdə - 10 dekabr 2016-cı il tarixdən Ağsu, İsmayıllı, Kürdəmir, Zərdab, Saatlı, Sabirabad, Ağcabədi, Ağdam, Ucar, Gəncə,  Samux, Daşkəsən, Gədəbəy, Göygöl, Şəmkir, Ağstafa, Qazax, Tovuz, Tərtər, Naftalan, Bərdə, Goranboy, Mingəçevir, Yevlax, Ağdaş, Göyçay, Qəbələ, Oğuz, Şəki, Zaqatala, Balakən, Qaxda, III mərhələdə - 20 dekabr 2016-cı il tarixdən Şirvan, Salyan, Neftçala, Haciqabul, İmişli, Beyləqan, Füzuli, Cəlilabad, Biləsuvar, Lənkəran, Masallı, Yardımlı, Lerik, Astarada dayandırılması nəzərdə tutulur.
 
Xatırladaq ki, noyabrın 1-dən Bakı şəhəri və Abşeron yarımadasında analoq TV yayımı dayandırılıb.

Milli.Az


Tags:  MTRŞ Regionlarda 20 000 dekoder lazım ola bilər

RƏYLƏR


Top news