Orta məktəbdəki davada xəsarət aldığı deyilən müəllim danışdı

Orta məktəbdəki davada xəsarət aldığı deyilən müəllim danışdı
18:52 28 Noyabr 2016
125 Ölkə
Ölkə mətbuatı
A- A+

Noyabrın 24-də Suraxanı rayonunda yerləşən Sovet İttifaqı Qəhrəmanı Əmi Məmmədov adına 101 saylı orta məktəbdə şagird, müəllim və valideynlər arasında baş verən davada xəsarət aldığı deyilən həmin məktəbin psixoloqu Mətanət Rəhimova hadisə barədə Trend-ə açıqlama verib.

O, məktəbdə davanın baş verdiyini təsdiqləsə də, hadisə nəticəsində heç bir xəsarət almadığını bildirib. M.Rəhimova deyib ki, noyabrın 24-də orta məktəbin şagirdləri Gövhər Yaqubova ilə Təhminə Zeynalova arasında mübahisə yaranıb. Mübahisəyə şagirdlərin valideynləri Zəminə Zeynalova və Tamara Yaqubova müdaxilə edib və nəticədə valideynlər əlbəyaxa olublar.

Hadisə nəticəsində Z.Zeynalova xəsarət alıb: "Hadisə nəticəsində nə şagirdlərdən, nə də müəllimlərdən heç kim xəsarət almayıb. Hadisə ilə bağlı hazırda Suraxanı Rayon Polis İdarəsinin 31-ci polis bölməsində və Bakı şəhər Baş Təhsil Nazirliyində araşdırma aparılır".

M. Rəhimova bildirib ki, hadisədən sonra məktəbin mübahisə edən şagirdləri G.Yaqubova və T. Zeynalova məktəbə gəlmirlər.

Xatırladaq ki, noyabrın 25-də orta məktəbdə şagirdlər və valideynlər arasında dava düşdüyü, hadisə nəticəsində ikiai müəllim olmaqla 5 nəfərin xəsarət aldığı barədə məlumatlar yayılmışdı. Məlumatda bildirilirdi ki, hadisə nəticəsində məktəbin psixoloqu Mətanət Rəhimova və direktor müavini Elnarə Məmmədova da döyülüblər.

3 saylı Şəhər Klinik Xəstəxanasından isə Trend-ə verilən məlumatda deyilirdi ki, noyabın 24-də Zeynalova Zəminə Həsən qızı 101 saylı orta məktəbdə baş verən dava nəticəsində döş qəfəsi və sağ əlinin barmağının əzilməsi şikayəti ilə xəstəxanaya müraciət edib. Xəstəyə ilkin tibbi yardım göstərilib və ona ambulator müalicə təyin edilib.

Milli.Az


Xəbərin orijinal ünvanı: http://news.milli.az/society/493924.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR