Bakıda Türkiyə vətəndaşı, 1979-cu il təvəllüdlü Zefer Erik Kenoğluna qarşı dələduzluq edilib.
Milli.Az report-a istinadən xəbər verir ki, Zefer Erik Kenoğlu hüquq-mühafizə orqanlarına yazılı qaydada müraciət edərək bildirib ki, ötən ilin oktyabr ayında Masallı rayon sakini, 1989-cu il təvəllüdlü Nuranə Məmmədova onu aldadaraq 10 min manat pulunu alıb və geri qaytarmayıb.
Faktla bağlı hüquq-mühafizə orqanları tərəfindən araşdırma aparılır.
Qeyd edək ki, Zefer Erik Kenoğlu "Akkord Şirkətlər Qrupu"nda mühəndis vəzifəsində çalışır.
Milli.Az
