İlham Əliyev: "Biz Belarusa Dağlıq Qarabağ münaqişəsinin nizamlanması məsələsində tutduğu mövqeyə görə çox minnətdarıq"

İlham Əliyev: "Biz Belarusa Dağlıq Qarabağ münaqişəsinin nizamlanması məsələsində tutduğu mövqeyə görə çox minnətdarıq"
00:52 29 Noyabr 2016
55 Ölkə
Ölkə mətbuatı
A- A+

Milli.Az AZƏRTAC-a istinadən xəbər verir ki, noyabrın 28-də sənədlərin imzalanması mərasimindən sonra Azərbaycan Respublikasının Prezidenti İlham Əliyev və Belarus Respublikasının Prezidenti Aleksandr Lukaşenko mətbuata bəyanatlarla çıxış ediblər.

Prezident İlham Əliyevin bəyanatı

- Hörmətli Aleksandr Qriqoryeviç. 

Əziz dostlar.

Aleksandr Qriqoryeviç, icazə verin, bir daha Sizi səmimi qəlbdən ölkəmizdə salamlayaq. Azərbaycana xoş gəlmisiniz. Mən Sizin səfərinizə çox şadam. Bizim görüşlərimiz müntəzəm xarakter daşıyır. Biz həm artıq dəfələrlə keçirilmiş rəsmi, həm də işgüzar görüşlər çərçivəsində çox tez-tez görüşürük. Bizim əlaqələrimiz həmişə çox səmimi, açıq, dostluq xarakteri daşıyır.

Əlbəttə ki, Sizin bugünkü səfəriniz ölkələrimiz arasında münasibətlərin inkişafı və möhkəmləndirilməsi istiqamətində mühüm hadisədir. İndicə bir çox istiqamətlər üzrə gələcək əlaqələrimizi müəyyənləşdirəcək xeyli sənədlər imzalanıb. Bu gün biz təkbətək və geniş tərkibdə görüşlər çərçivəsində münasibətlərimizin geniş spektrini müzakirə etdik və əməkdaşlıq potensialının gücləndirilməsi arzusunu bildirdik. İndicə imzalanan hər bir sənəd böyük əhəmiyyət kəsb edir. Sənədlər arasında prezidentlərin imzaladığı və əməkdaşlığımızın əsas istiqamətlərini müəyyənləşdirən, eləcə də münasibətlərimizin ruhunu və xarakterini əks etdirən Birgə Bəyanat xüsusi yer tutur.

Biz Belarus tərəfinə Ermənistan-Azərbaycan, Dağlıq Qarabağ münaqişəsinin nizamlanması məsələsində tutduğu mövqeyə görə çox minnətdarıq. Belarus həmişə qanunun aliliyinin, beynəlxalq hüququn və beynəlxalq təşkilatların qərar və qətnamələrinin yerinə yetirilməsinin tərəfdarıdır. Biz qətiyyətlə əməkdaşlıq potensialının gücləndirilməsi niyyətindəyik. Biz beynəlxalq qurumlarda bir-birimizi fəal dəstəkləyirik. Bizim ölkələrimiz arasında qarşılıqlı dəstək artıq reallıqdır və sanki avtomatik rejimdə həyata keçirilir. Bizim ya Belarusun, ya da Azərbaycanın üzv olmadığı təşkilatlarda həmişə bir-birimizi dəstəkləməyimiz, söz deməyimiz xüsusilə dəyərlidir. Bu, xüsusilə əhəmiyyətlidir. Çünki əgər sən hər hansı təşkilatın üzvüsənsə, iclaslarında iştirak edirsənsə, həmişə yalana, böhtana, ədalətsizliyə cavab verə bilərsən. Lakin Belarus Azərbaycanın iştirak etmədiyi bəzi təşkilatların üzvüdür, həmçinin biz Belarusun iştirak etmədiyi bəzi təşkilatların üzvüyük. Ancaq bilirik ki, əgər bu qurumlar çərçivəsində ölkələrimizə qarşı əsassız hücum cəhdləri olarsa, biz həmişə öz prinsipial mövqeyimizi bildirəcəyik. Bu, çox dəyərlidir. Düşünürəm ki, burada iştirak edənlər mənim nə barədə danışdığımı bilirlər. Biz əməkdaşlığın bu səviyyəsini qiymətləndiririk. Bizim aramızda qarşılıqlı hörmətə, rəğbətə, əməkdaşlığa və dəstəyə əsaslanan nadir münasibətlər yaranıb. Bugünkü danışıqlar və fikir mübadilələri bir daha bizim münasibətlərin əsas dəyərini sübut etdi.

Əlbəttə ki, biz bu gün artıq əldə olunmuş razılaşmaların təcrübədə gerçəkləşdirilməsini müzakirə etdik, bir çox məsələlər üzrə nümayəndə heyəti üzvlərinin məlumatları dinlənildi, eləcə də müvafiq nazirlərə, həmçinin hökumətlərarası komissiyanın həmsədrlərinə tapşırıqlar verildi ki, qısa müddətdə - bir ay ərzində ölkələrimiz arasında əmtəə dövriyyəsinin xeyli və sürətlə artırılması barədə yeni fəaliyyət planı hazırlasınlar.

Biz yaxşı qarşılıqlı fəaliyyət, birgə layihələrin reallaşdırılması tarixinə malikik. Bunların arasında əlbəttə ki, traktorların istehsalı üzrə zavod xüsusi yer tutur. Qısa müddət ərzində prezidentlərin təkcə xoş arzuları və tövsiyələri ilə Gəncədə yaradılan MAZ avtomobilləri zavodu buna nümunədir. Qısa vaxtda Belarus tərəfi bizə Azərbaycanın ərzaq təhlükəsizliyinin təmin olunmasına imkan verən müasir super istehsal sahəsi yaratmağa böyük kömək göstərib. Biz texnika idxalından asılılığı xeyli dərəcədə azaltmışıq. Eləcə də bu gün deyildiyi kimi, istehsal olunan maşınların, mexanizmlərin, traktorların başqa ölkələrə ixracına başlamışıq.

Elm, təhsil sahəsində də böyük potensial var. Biz bu sahələrə həmişə böyük diqqətlə yanaşırıq. Elmin və təhsilin yüksək səviyyəsi olmadan heç bir ölkənin gələcəyi mümkün deyil.

Biz aqrosənaye kompleksləri sahəsində əməkdaşlıqla bağlı hərtərəfli müzakirə apardıq. Şadam ki, kənd təsərrüfatının bu sahəsində də Belarus mütəxəssisləri tərəfindən iri layihə reallaşdırılacaq. Belarus tərəfinin bu sahədə çox yaxşı təcrübəsi var.

Biz əməkdaşlıq potensialını genişləndirməyi nəzərdə tuturuq. Bu gün Azərbaycanın Belarusda, Belarusun isə Azərbaycanda ticarət evlərinin yaradılması barədə qərar qəbul olunub. Biz bu məsələdə Belarusdan geri qalırıq. Belə ki, Belarusun artıq Azərbaycanda ticarət nöqtələri, obyektləri var. Biz isə hələlik buna yeni hazırlaşırıq. Düşünürəm ki, yaxın vaxtlarda bu istiqamətdə mövqelərimizi bərabərləşdirəcəyik.

Biz münasibətlərimizin dəyərini bir daha geniş müzakirə etdik. Qərara gəldik ki, biz rəqib deyilik. Biz Belarusda olmayan meyvə-tərəvəzləri, digər kənd təsərrüfatı məhsullarını, Belarus isə bizim idxal etdiklərimizi istehsal edir. Buna görə razılaşdıq ki, nəzarəti məqsədyönlü şəkildə həyata keçirək və təəssüf ki, hələlik aşağı səviyyədə olan qarşılıqlı əmtəə dövriyyəsini gücləndirməyə rəvac verək.

Bizim qarşılıqlı fəaliyyətimizin mühüm hissəsini hərbi sənaye sahəsi təşkil edir. Biz bu sahədə də çoxdan tərəfdaşlıq edirik və bir-birimizi sınaqdan çıxarmışıq. Biz hərbi sənaye kompleksi sahəsində əməkdaşlıq səviyyəsindən çox razıyıq və əməkdaşlığı gücləndirmək niyyətindəyik.

Bizim qarşılıqlı fəaliyyətimizin yeni istiqamətinə gəlincə, energetika sahəsini qeyd edə bilərəm. Bu əməkdaşlığın uzunmüddətli və möhkəm olması barədə də müvafiq göstərişlər verilib. Çünki neft əməliyyatları və neft ixracatı sahəsində əlbəttə ki, uzunmüddətli tədarüklər lazımdır. Mən həm də belə bir məsələ qaldırdım ki, biz nəqliyyat sahəsində əməkdaşlıq barədə məsləhətləşmələrə başlamalıyıq. Bildiyiniz kimi, biz regionumuzda yeni nəqliyyat dəhlizlərinin yaradılması ilə bağlı iri layihələr həyata keçiririk. Azərbaycanın və Belarusun coğrafi mövqeyi bizə bu istiqamətdə çox fəal əməkdaşlıq etməyə imkan verir. Biz imkanlarımızdan və müxtəlif ölkələrlə əlaqələrdən istifadə edərək öz ölkələrimizin ərazisindən yük daşımalarının həcmini artırmalıyıq.

Əlbəttə ki, Prezidentin rəsmi səfəri ikitərəfli münasibətlərin inkişafı üçün həmişə böyük əhəmiyyət daşıyır. Əminəm ki, bu səfər də bizim qarşılıqlı dostluq münasibətlərimizin inkişafına təkan verəcək. Biz bu əlaqələri çox yüksək qiymətləndiririk. Bu əlaqələr yaxşı tarixə malikdir və dediyim kimi, biz bir-birimizi artıq bir çox tarixi məqamlarda sınamışıq. Həmişə yalnız etibar, düzgünlük və qarşılıqlı dəstək görmüşük.

Aleksandr Qriqoryeviç, bir daha xoş gəlmisiniz. Sizə ölkəmizdə xoş vaxt keçirməyinizi arzulayıram.

Prezident İlham ƏLİYEV dedi:

- İcazə verin, Aleksandr Qriqoryeviçə xalqımız, ölkəmiz haqqında dediyi xoş sözlərə görə bir daha minnətdarlığımı bildirim. Bunu dostdan eşitmək həmişə xoşdur, xüsusilə də əgər bunun səmimi olduğunu bildikdə. Bunu müasir, dinamik, özünü təmin edən, effektiv dövlət quran, çoxlarının qibtə etdiyi və etməli olduğu ölkənin başçısından eşitmək ikiqat xoşdur. Belarusun indi gözəl ölkə olmasında Aleksandr Qriqoryeviçin xüsusi rolunu qeyd etmək istərdim. Mən Azərbaycanın bütün vətəndaşlarına Minskə və Belarusun digər şəhərlərinə getməyi, əvvəla Belarus xalqının səmimiyyətini görməyi tövsiyə edirəm. Bu münasibəti görən hər kəs bu xalqın saflığından, alicənablığından və mehribanlığından heyrətə gəlir. İstərdim ki, hamı bu gün həm memarlıq, həm infrastruktur, həm təmizlik, həm də abadlıq baxımından Avropanın ən yaxşı paytaxtlarından biri olan gözəl Minsk şəhərini görsün, yaradılan müəssisələrə baş çəksin.

Siz Sovet İttifaqında mövcud olan ən yaxşını qoruyub saxlamısınız və artırmısınız, buna yeni təkan vermisiniz. Əlbəttə ki, Belarusu bu ölkədə ikinci Avropa Oyunlarının keçiriləcəyi münasibətilə təbrik etmək istərdim. Fikrimcə, bu da rəmzidir. Çünki Aleksandr Qriqoryeviç qeyd etdi ki, biz Olimpiya komitələrinin prezidentləriyik. Ancaq yəqin ki, bilmir, ya da buna əhəmiyyət verməyib, biz onunla Olimpiya komitələrinə eyni ildə başçılıq etməyə başlamışıq - 1997-ci ildə. Düşünürəm ki, bu da həm Belarus, həm də Azərbaycan üçün idmanın inkişafı baxımından dönüş ili oldu. Bu gün Belarus iri idman məmləkətidir. Biz də belaruslulardan geri qalmamağa çalışırıq, həmçinin idman sahəsində əlaqələrimizin möhkəmləndirilməsində əməkdaşlıq edirik. Əlbəttə, həm birinci, həm ikinci Avropa Oyunlarının keçmiş Sovet İttifaqı ölkələrində - keçmiş SSRİ-nin ən uğurlu ölkələrində keçirilməsi də yəqin ki, rəmzi xarakter daşıyır. Düşünürəm ki, bu, bizim ölkələrimizin xidmətlərinin tanınmasıdır. Çünki ölkələrimiz müstəqil dövlət kimi gəncdir - cəmi 25 il. Bu illər ərzində biz ən yüksək zirvələr fəth etmişik və istənilən səviyyədə tədbirlər keçirmək qabiliyyətinə malik olduğumuzu göstərmişik. Əminəm ki, ikinci Avropa Oyunları birincidən pis keçməyəcək. Çünki təcrübə, apardığınız təşkilati işlər, bu cür tədbirlərin təşkilinə göstərdiyiniz cəhdlər qarşıdakı Oyunların unikal olacağını deməyə imkan verir. Siz təkcə Belarus xalqının qəlbini deyil, həm də müasir Belarusun güclü, müstəqil, layiqli dövlət olduğunu bütün Avropaya nümayiş etdirəcəksiniz. Çox sağ olun!

Milli.Az

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Havalar nə vaxtdan sərinləşəcək?

21 İyul 2017 20:52

"Mercedes" 12 yaşlı velosipedçini vurdu - Sabirabadda

21 İyul 2017 20:49

Şamaxı yolu çökdü - VİDEO

21 İyul 2017 20:47

Şahzadə Diananın şəxsi əşyaları sərgilənəcək - FOTO

21 İyul 2017 20:42

Polis və nəqliyyat müfəttişləri reyd keçirib - VİDEO

21 İyul 2017 20:37

Yıldız Tilbe "O Səs Türkiyə"də olacaq?

21 İyul 2017 20:35

"Ağ ev"də GÖZLƏNİLMƏZ İSTEFA

21 İyul 2017 20:33

Azərbaycan Prezidenti Rusiyaya işgüzar səfərə gəlib

21 İyul 2017 20:32

Şon Spayser Ağ Evin mətbuat katibi vəzifəsindən istefa verib

21 İyul 2017 20:32

"Zəlzələ gündüz olsaydı, indi dənizdən cəsəd toplayırdıq" - Qorxunc iddia

21 İyul 2017 20:32

İstanbulda Türkiyə ilə Azərbaycan arasında işgüzar əlaqələr müzakirə olunub

21 İyul 2017 20:27

İnvestorlar qlobal maliyyə bazarları üçün əsas təhlükəni açıqlayıblar

21 İyul 2017 20:27

Venesuelada kütləvi etirazlarda 100 nəfər ölüb

21 İyul 2017 20:27

790 min dollara aldığı evi iki qatından da baha satır - FOTO

21 İyul 2017 20:22

Prezident İlham Əliyev Rusiyaya səfər edib

21 İyul 2017 20:22

Mingəçevirdə QƏZA: Sürücü avtomobili maneələrə çırpdı

21 İyul 2017 20:18

Bakıda dənizdə batan iki nəfər xilas edilib

21 İyul 2017 20:17

Azərbaycan prezidenti Rusiyada səfərdədir

21 İyul 2017 20:14

Prezident İlham Əliyev Rusiyada işgüzar səfərdədir

21 İyul 2017 20:12

ADU-nun rektoru KİV təmsilçiləri ilə görüşüb

21 İyul 2017 20:12

"Yuve"dən 40 milyonluq transfer

21 İyul 2017 20:12

Bizim Hamletlər

21 İyul 2017 20:05

Rusiyanın “TROYA ATI”, birinci MƏQSƏD ... – GÜNÜN SİYASİ XÜLASƏSİ

21 İyul 2017 20:03

Rusiya yaxın 3 ildə elektromobillərin istehsalda payını 17%-ə çatdıracaq

21 İyul 2017 20:02

Məşhurları bir də makiyajsız görün - FOTO

21 İyul 2017 19:57

"Bakıda balıq bazarının olmaması böyük çatışmazlıqdır"

21 İyul 2017 19:54

Menyer xəstəliyinə daha çox qadınlar arasında rast gəlinir

21 İyul 2017 19:52

Almaniya da eynicinslilərin nikahını leqallaşdırdı

21 İyul 2017 19:48

Azərbaycanda maliyyə sektoruna investisiya qoyuluşu 28% artıb

21 İyul 2017 19:47

3-cü dəfə ana olacaq - FOTO

21 İyul 2017 19:47

Dəniz kənarında hava və su vannası üçün ən yaxşı vaxt

21 İyul 2017 19:42

Yüzdən çox qovaq ağac kəsdilər

21 İyul 2017 19:38

40 kiloqram arıqladıqdan sonra döyməsini göstərdi - FOTO

21 İyul 2017 19:37

Ədliyyə Nazirliyində məhkəmə qərarlarının icrası vəziyyəti müzakirə olunub

21 İyul 2017 19:37

Qurban Qurbanov “Şerif”i dəyərləndirdi

21 İyul 2017 19:34

Ədliyyə Nazirliyinin 20 əməkdaşı məsuliyyətə cəlb olunub -

21 İyul 2017 19:34

Həyatınızı dəyişdirən KARMA QANUNLARI

21 İyul 2017 19:33

Çində qum heykəllərdən ibarət park yaradılır - FOTO

21 İyul 2017 19:32

Təmiz zeytun yağını necə tanıyaq? - ÜSULLAR

21 İyul 2017 19:27

Mingəçevirdə sürücü avtomobili manelərə çırpıb və ciddi xəsarət alıb

21 İyul 2017 19:27

AFFA bu komandanı Bakıya 700 min avroya gətirib

21 İyul 2017 19:27

Zamiq ayrıldığı prodüseri ilə yenidən bir arada - FOTO

21 İyul 2017 19:27

İqtisadiyyat naziri Xırdalanda vətəndaşlarla görüşüb

21 İyul 2017 19:22

"Prezidentin jurnalistlərlə görüşü mühüm hadisədir" - Əflatun Amaşov

21 İyul 2017 19:19

Ədliyyə Nazirliyində BÖYÜK "ƏMƏLİYYAT": 20 əməkdaş məsuliyyətə cəlb olundu

21 İyul 2017 19:18

“Dərman fabriklərinə qoyulacaq sərmayənin həcmi 100 milyon dollara bərabərdir”

21 İyul 2017 19:16

“Bakıda balıq bazarının olmaması böyük çatışmazlıqdır” - Prezident

21 İyul 2017 19:14

""Real"da rəqabətdən deyil, başqa şeylərdən qorxmaq lazımdır"

21 İyul 2017 19:12

7 nəfər Ədliyyə Nazirliyində vəzifəsindən azad edilib

21 İyul 2017 19:09

Qaxda 108 ədəd qovaq ağacını kəsən şəxs məsuliyyətə cəlb ediləcək

21 İyul 2017 19:07