Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Tibbi müayinədən keçən uşaqlar arasında ən çox aşkar olunan xəstəliklər açıqlanıb

Tibbi müayinədən keçən uşaqlar arasında ən çox aşkar olunan xəstəliklər açıqlanıb

Date: 29 November 2016 11:32

Bakı. 29 noyabr. REPORT.AZ/ "Tibbi müayinədən keçən uşaqlar arasında tənəffüs üzvlərinin xəstəlikləri və qurd invaziyaları (helmintoz) daha çox aşkar olunur".
"Report" xəbər verir ki, bunu jurnalistlərə açıqlamasında Səhiyyə Nazirliynin baş pediatrı, K.Fərəcova adına Elmi-tədqiqat Pediatriya İnstitutunun direktoru Nəsib Quliyev deyib.
Onun sözlərinə görə, bu xəstəlik əsasən məktəbəqədərtdən əvvəlki və məkətəbyaşlı uşaqlar arasında özünü büruzə verir: "Qurda yoluxma halı ən çox məktəbəqədər yaş dövründə rast gəlinir. Çünki həmin yaşda olan uşaqlar hərəkətdə daha çox olur. Buna görə də gigiyenik tələblərə riayət edilmir. Lakin tənəffüs üzvlərinin xəstəlikləri kiçikyaşlı uşaqlarda daha tez-tez rast gəlinir. Bu da uşaq orqanizminin anotomik fizioloji xüsusiyyətləri ilə izah olunur. Uşaqlar arasında digər somatik yoluxucu xəstəliklər də müşahidə olunur".
Baş pediatr onu da bildirib ki, hazırda Azərbaycanda 0-18 yaşlıların sayı 2 588 959 nəfərdir: "Bu ilin 9 ayı ərzində respublikanın uşaq əhalisinin 1 672 556 nəfəri (64,6 %) tibbi müayinədən keçib. Onlardan 87 288 nəfəri (5,2 %) sağlamlıq vəziyyətinə görə dispanser qeydiyyata götürülüb. Sağlamlığında müxtəlif problemlər aşkarlanan 227 955 nəfər (13,6 %) azyaşlıya müalicə-sağlamlaşdırıcı tədbirlər tətbiq edilib. Onlardan 14 345 nəfəri (0,9%) hospitalizasiya olunub, 4 569 nəfəri isə sanator müalicəyə göndərilib".


Tags:  Tibbi müayinədən keçən uşaqlar arasında çox aşkar olunan xəstəliklər açıqlanıb

RƏYLƏR


Top news