Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Binəqədidə yanan binaya görə tutulan şəxslərin məhkəməsi davam etdirilib: "Bu hadisə təxribatdır"

Binəqədidə yanan binaya görə tutulan şəxslərin məhkəməsi davam etdirilib: "Bu hadisə təxribatdır"

Date: 29 November 2016 13:17

Bakı. 29 noyabr. REPORT.AZ/ Bu gün Bakı Ağır Cinayətlər Məhkəməsində Binəqədi rayonu ərazisində çoxmərtəbəli yaşayış binasında baş verən yanğın hadisəsində təqsirləndirilən Miryusif Mahmudov, Ələkbər Əsgərov, Uğur Bəşirov, Qəzənfər Novruzov, Ədalət Rəcəbov, Nizami Orucov, Ağacavad Məmmədov və Akif Əlibəyovun cinayət işi üzrə məhkəmənin növbəti prosesi keçirilib.
"Report”un məlumatına görə, hakim Əfqan Hacıyevin sədrliyi ilə keçirilən prosesdə cinayət işinin 10-cu cildindəki sənədlərin tədqiqi elan edilib.
“Global Construction” MMC-nin təsisçisi və idarə heyətinin sədri M.Mahmudov çıxışında ittiham aktında həddindən artıq şişirdilmələrin olduğunu söyləyib: "“Poliuretan” məmulatlarının istehsal etdiyi sexi şişirdib zavod ediblər. Mənim 25 cildlik cinayət işimdə isə bir dənə də sübut yoxdur ki, günahım olsun".
O bildirib ki, binanın yandırılması təxribatdır.
Vəkil İ.Həsənova həmin sənəddə şahid Pərvin Kazımovun səs yazısının elan olunmasını da istəyib.
Dövlət ittihamçısı Fərid Nağıyev isə həmin səs yazısının qanuni olmadığını deyib.
Hakim isə bildirib ki, həmin səs yazısı sənədlərdə yoxdur. Vəkil İ.Həsənova həmin səs yazısının cinayət işindən çıxarıldığını söyləyib.
Təqsirləndirilən Q.Novruzovun vəkili Nüşabə Ağayeva qeyd edib ki, cinayətə cəlb etmə qərarında müdafiəçinin imzası yoxdur.
Daha sonra hadisə yerinə baxış protokolları elan olunub. Sənədlərdə iki nəfər hal şahidinin olduğu göstərilib. Lakin ekpertlərin baxışda iştirak etmədiyi məlum olub.
Prosesdə hakim Ə.Hacıyevlə vəkil İ.Həsənova arasında mübahisə düşüb. Mübahisəyə səbəb işdə olan bəzi sənədlərdə vəkilin imzasının olmaması olub.
Məhkəmənin növbəti iclası dekabrın 1-nə təyin edilib.
Qeyd edək ki, 2015-ci il may ayının 19-da paytaxtın Binəqədi rayonu ərazisində çoxmərtəbəli yaşayış binasında ağır nəticələrə səbəb olan yanğın hadisəsi baş verib. Yanğın nəticəsində 15 nəfər ölüb, 50 nəfər xəsarət alıb.
Qulluq mənafeləri tələb etdiyi halda səlahiyyətlərindən istifadə etməmələri nəticəsində vətəndaşların və dövlətin hüquqlarına və qanunla qorunan mənafelərinə mühüm zərər vurmalarında kifayət qədər əsaslar olduğundan binanın üzlənməsində istifadə olunan “poliuretan” məmulatını istehsal edən “QlobalStone” MMC-nin baş direktoru Bəşirov Uğur Firuz oğlu, “Global Construction” MMC-nin təsisçisi və idarə heyətinin sədri Mahmudov Miryusif Mircəfər oğlu, həmin cəmiyyətin İdarə Heyətinin sədr müavini Əsgərov Ələkpər İldırım oğlu, Binəqədi rayon İcra Hakimiyyəti başçısının sabiq birinci müavini Novruzov Qəzənfər Məhərrəm oğlu, 2012-2013-cü illərdə Binəqədi rayon Mənzil Kommunal Təsərrüfat Birliyinin rəisi işləmiş rayon İcra HakimiyyətininTəsərrüfat şöbəsinin müdiri Rəcəbov Ədalət Şəmsəddin oğlu, Binəqədi rayonu, 72 saylı Mənzil Kommunal İstismar Sahəsinin rəisi Orucov Nizami Qara oğlu Cinayət Məcəlləsinin 225.2 (yanğın təhlükəsizliyi qaydalarını pozma ehtiyatsızlıqdan zərərçəkmiş şəxsin ölümünə və digər ağır nəticələrə səbəb olduqda) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə, “poliuretan” məmulatlarının sınaq yoxlamalarını keçirən “Dərnəgül Boru Zavodu” Qapalı Səhmdar Cəmiyyətinin sınaq laboratoriyasının müdiri Məmmədov Ağacavad Hacı oğlu Cinayət Məcəlləsinin 308.2 və 313-cü (vəzifə saxtakarlığı) maddələri ilə, “poliuretan” məmulatlarına dair texniki şərtləri razılaşdırmış Səhiyyə Nazirliyinin Gigiyena və Epidemiologiya Mərkəzinin baş direktoru Əlibəyov Akif Muradəli oğlu Cinayət Məcəlləsinin 308.2-ci maddəsi ilə təqsirləndirilən şəxs qismində cəlb olunaraq onlara həmin maddələrdə nəzərdə tutulan ittihamlar elan edilib.
A.Əlibəyov və A.Məmmədov barəsində isə həbs qətimkan tədbiri seçilməyib.


Tags:  Binəqədidə yanan binaya tutulan şəxslərin məhkəməsi davam etdirilib Bu hadisə təxribatdır

RƏYLƏR


Top news